呢排打機打上腦 無聊睇返日本戰國史
發現好多相似到好唔合理既情節
想翻炒一下
可能太長
對日本戰國唔熟既人可以淨係睇重點
相同點：
漢末三國「州牧割據，群雄並起」
日本戰國「互相兼併，以下剋上」
三國時代有維持42年既「吳蜀同盟」
日本戰國都有個長達數十年既「清洲同盟」
武將：
三國有「亂世奸雄」曹操
日本戰國有「第六天魔王」織田信長
三國有天下無雙既「人中呂布」
日本戰國有「日本之張飛」戰國最強本多忠勝
三國有「江東之虎」孫堅
日本戰國有「甲斐之虎」武田信玄
三國有「鞠躬盡瘁，死而後已」既諸葛亮
日本戰國都有個叫「今孔明」既忠臣名軍師竹中重治
三國時代 南方有「割據一方」「水師最強」既東吳
日本戰國南方都有個偏安一方既海上霸主「毛利元就」
三國有「獨眼將軍」夏侯惇
日本戰國都有個「獨眼龍」伊達政宗
三國有「五子良將」「五虎將軍」
日本戰國有「德川四天王」「武田四名臣」
戰役：
三國有場「改變天下大勢」既「赤壁之戰」
日本戰國有場「決定大下大勢」既「關原之戰」
三國張遼奇襲合肥，以少勝多擊退孫權
日本戰國織田信長奇襲桶狹間，以少勝多擊退今川義元
三國袁紹死後有「二袁之亂」
日本戰國上杉謙信死後有「御館之亂」
後人稱「官渡之戰」「赤壁之戰」同「夷陵之戰」為三國三大名戰役
後人稱「桶狹間之戰」「嚴島之戰」同河越夜戰為戰國三大名戰役
三國孫權「二宮相爭」迫死太子，改立年幼孫亮
日本戰國豐臣秀吉迫死太子秀次，改立年幼豐臣秀賴
三國曹操因部下背叛，被困宛城，及後城中失火，侍衛典韋捨身相救
織田信長因部下背叛，被困本能寺，及後寺廟失火，侍衛森蘭丸捨身相救
內政：
魏國有「屯田」
織田信長都有個「樂市樂座」
諸葛亮掌權後制定「蜀科」並搜集散失戶藉增強國力
豐臣秀吉掌權後實施「太閤檢地」尋找全國經濟總值
三國有「諸葛連弩」
日本戰國有「種子島火槍」
董卓攻入洛陽，廢少帝，然後群雄發起「反董卓包圍網」
織田信長攻入京都，廢將軍足利義昭，然後諸大名發起「反信長包圍網」
三國有死守劍閣 殺死鍾會既猛將姜維
日本戰國有死守大阪 迫死家康既猛將真田幸村
最後一點最重要：
三國有個賣草鞋既人割據一方
日本戰國有個挽草鞋既人奪得天下
呢個劇情 根本只會係平行時空先會發生
