唔好再叫人敗家仔《機動戰士高達 閃光之凱薩衞》Netflix獨家播出 [4]

宇宙世紀個背景本身就係地球人口太多，唔夠資源逼到要趕人去宇宙住，本身個大背景就已經係唔夠資源，而唔係做做下一大堆錯誤估算。uc早期(講緊頭100年)資源係充足既，而uc後期成個地球+宇宙圈既資源問題係uc早期係咁扔垃圾落地球同埋後期各side長期混戰做成。

聯邦腐敗個本質係地球精英階層討厭->歧視->恐懼宇宙人，本身被趕去宇宙既人就係佢地眼中既低端人口，所以side係聯邦議會亦都冇發言權。自護發表NT理論之後，再加上一年戰爭實證NT存在，令佢地既歧視變成恐懼。基本上個設定就係地球精英階層普遍好似3K黨咁，宇宙殖民地就好似黑人咁，地球至上主義長期係聯邦中心思想。

唔開片既野係有，劇入面通常一筆帶過，馬反聯邦咪本身同馬沙deal停戰，一年戰爭唔係基連希特拉上身同埋自護發現左米粒有極端科技優勢的話都打唔成啦。

Bandai:我收到大家嘅意願了
出住PG hinu 夜鶯先

電影中有一幕係報紙報導馬反
我有個疑問就係，張相你點影的

有得食唔食

翻身過，可以同親衛隊打兩嘴，我唔知係舊世代野堅d定月球技術大倒退

突襲港口睇高文打堆肥仔機好正

聯邦邊夠膽郁林友德
林友德背後有聯邦高層勢力撐腰，聲望又高過你個垃圾聯邦政府
UC夠膽率精英艦隊壓制聯邦據點

本身林友德都冇諗住反聯邦

唔信都唔會親自上機觀察聯邦班鳩官

其實車粒石咪由佢囉，反正都唔係第一次
前面個2 3支圓柱體都未整死地球，區區一粒石使驚

希望改結局 主角最後唔使死

而家就講一課成熟民主政治係點運作.

真正歐美成民主政體下, 就算人口爆炸到100億都唔可以"趕人走", 只可以用各種政策去利誘市民上宇宙發展. 做任何"強制性"奪走人哋住任何地方的權利 (呢度我假設聯邦一開始係一個國家,然後各地方都唔使passport可以任意人口流動), 我保證馬上市民會吊到飛起, 抗議示威不斷, 然後推政策的人以後唔撚使選.

呢度地球聯邦民主制太高估財團官商勾結, 太低估市民一票, 公民社會, 到傳媒監察, 真正三權分立等等各種不合理政策的制衡. 政客end up係為市民選票而唔係財團服務. U.C時代真係當市民大眾係豬, 冇獨立思考判斷是非, 從唔同途徑將真相還原? 我只能夠講好彩現實西方世界唔係咁攞. 呢個係典型7-80年代日本人睇"最差的民主"的思維.

然後就到聯邦議會, 到地球與各side之間的關係啦. 呢個係冇人敢補的灰色地帶. 連地球本身同各side政府間的權責分配都冇好好補. 係睇唔到點解號稱美式民主政體的聯邦會搞出自護呢舊屎出來. 仲有地球精英主義...佢老未啦, 夠膽公開主張呢樣嘢, 馬上中discrimination, 成班BLM, SJW洗到佢哋痴線. 幾精英都好, 喺民主政治面前都係平等=一票權力.

XX少女: 地球精英主義!? How dare you!

如果跟翻origin既話
每一個side基本上等於一個自治區
除左軍事之外基本上都係有好強既自主權
而馬西係唔同side之間走來走甚至真正既亞茲納布由德克薩斯殖民地飛去side3
都不需要passport (似乎）

雷霆第一季最好睇 打又打得激

之後劇情真係屌佢老母

如果係咁, 有機會係聯邦議會架構構成問題. 住喺地球代表喺議會的power太大 or 議席太多, 殖民星議會代表冇話事權, 想幫自己殖民星爭取更有利條件都唔得. 阻唔到一D unfair法案例如限制殖民星人士往地球定居同工作, 或者一定要殖民星不定期收一定由地球移居的quota=變相趕人走.

細個睇馬反好憎凱撒衛 而加對佢改觀
另外習高達降落時有把男人聲 係邊個黎嘅？

Origin有講過，實際上資源全部要靠地球輸入
呢個已經意味住幾大自主權都無用
反而side3係最早開發小行星同月球背面

Who start up this shit project!? 咁搞法喺經濟上冇利潤, 喺政治上實俾市民吊到飛街然後唔使選, 喺法院上更加喺強制趕人走上宇宙唔可以咁做. 再喺媒體輿論上吊到政客同唯利是圖的商人仆街

以上是一個正常歐美式民主政體, 當出現呢類趕人走政策時的反應. 仲有我都有講過3 phase of colonization. 自給自足從來都係殖民計畫的基本條件, 做唔到呢樣嘢, 經濟上殖民地=宗主國負擔, 政治上=搞一舊炸彈上來. 所以要靠地球輸入, 未達到自給自足就直接進入conlonization phase 3=大量移民/殖民已經係failed.

殖民本來目的, 就係由宇宙開採資源養地球, U.C就掉番轉, 真係佢老未, 日本人識唔識乜嘢叫殖民? 宇宙殖民目的係為佐乜呀

因為當時70年代真係驚人口爆炸
估唔到發達國家人口會萎縮到宜家呢個程度
去到00個代先講翻資源問題

仲有依家技術大幅進步, hydroponic system溫家大量種植農作物冇難度,唔一定要有泥土. NASA prototype已經驗証直接用分子分解技術生產氧氣同水係可行, 只係需要大量電力, 但到U.C時代技術, 你會同我講唔夠電? 係唔係講笑?

所以殖民星唔能夠自給自足基本需要係"冇可能", 而且達唔到呢個最基本要求的話, 就算人口再爆炸, 都唔可能訂立趕低技術/生產力的人上宇宙, 更何況係地球聯邦真係"一人一票"的美式民主政體.

巴打你睇多啦a夢係咪都會好驚訝到底係邊個做隻咁低能既機械人出黎，叫藤子f不二雄讀下機械工程先???

如果係以"寫實", 近現代做背景平台的作品. 請預佐會俾人用現實情況來對照, 而我係特別鍾意挑政治, 經濟呢方面切入批到寫實軍武作品體無完膚, 因為無論科技點變, 人的習性同社會科學都唔會點改變.

請問巴打係唔係認為多啦a夢係唔係一開始以"寫實"為其中一個賣點呢?

我結論係: U.C地球聯邦一開始就係痴撚佐線的第三世界民主政制扮做美式民主政治, 然後再夾硬塞一單德國國會縱火案俾班仆街長期劫持成個政治, 加埋D 發神經政策同唔合理殖民計劃, 全部嘢都係有問題