【7月歌劇番】歌劇少女！！

動畫始終調哂音

其實日本歌劇算唔算小眾，所以無咁多資源訓練同買器材

寶塚地位好高，東奧開幕搵真矢美季，閉幕就係寶塚唱君之代

早排睇返小黑祐一郎評高畑《再見螢火蟲》，指呢套唔係反戰電影，而係徹底既現實主義電影；清太同節子既悲劇唔係戰爭直接導致，而係逃避社會既結果

開頭係幽靈清太旁白講我已死，成個故事就係幽靈清太審視生前自己與他者(社會)之間既距離

佢有舉好多例子說明，其中一個就係清太同節子海邊捉迷藏，本來應該係令觀眾放鬆既場面；但加插咗婆婆小孩拎海水既情節，個婆婆講因為配給唔夠鹽同醬油先咁做

明明係戰時，清太既冇工作、亦冇幫屋企忙、又唔係讀緊書(前面親戚阿姨經常鬧清太唔做野)；而且明知老人小孩都要勞動，仍然冇任何罪惡感咁玩樂

呢到刻意係用婆婆小孩背面鏡頭，就係唔知陌生人咩表情先恐怖；如果有表現到和藹微笑都還好，但既然冇表現到就想像到唔會太親切。觀眾就係想像他者表情既過程中，從而意識到前面玩得咁開心其實唔係一件好事


諗返小黑點解話呢套係現實主義電影，係因為對觀眾刻薄。首先係展現咗所謂既「萌」場面，兄妹玩耍係忠實慾望，然後再用審視鏡頭話你知呢種逃避現實係唔要得，甚至連幽靈清太都係一個冷靜抽離既觀察者




481-489都係佢評再見螢火蟲，條link 487係講海邊個節
http://www.style.fm/as/05_column/365/365_487.shtml

隔咗一排冇仔細諗，歌劇少女雖然唔係現實動畫，但非常多既情節係利用他者再審視自身，甚或乎係對回憶既再審視

一開始睇再見螢火蟲係都算幾好憐嘅動畫，大個再睇多次其實清太係咎由自取，只係戰爭下任性男孩拖妹妹落水的悲劇故事
如果清太幽靈只係序述故事而無反省或價值判斷之意，話係冷靜抽離既觀察者都合理的，但故事嘅內容就變得單調了，呢點同宮崎駿都算一個對比
或者高畑唔係想觀眾投入個故事，而係作為他者反省個故事吧，呢點可以說是反差萌呢

歌劇少女普通嘅地方係，比起歌劇嘅煩惱，更多嘅描寫係著重喺少女嘅煩惱，性騷擾，身形，人際關係，而呢啲問題嘅解決方式都同歌劇無太大關係
利用他者再審視都算係少女漫嘅常用手法，一班好似睇得通透嘅男性，總會係女角色嘅救命稻草，喺呢個意味之下さらさ都係特別的一個

12號online event可能有好消息