有冇人鋪緊SPC地板？

最近簡左呢隻，已花

有坑，但我覺得有坑靚過冇，感覺更似木地板
鋪完出黎好靚，我直頭係你圖入邊呢隻色
冇花左既相

不過花咗係有原因，係自己攞黎
話說張餐枱凳，凳腳下面揼咗個釘防刮
粒釘穿咗搞到刮到花晒

即係好易花？

你一般正常使用都唔會花，係有尖銳嘅嘢不停係咁刮乜都花啦

早兩日買咗堆spc地板返黎自己舖，但好似有少少中伏咁
個扣位一扣實塊地板就翹起，請教吓可以點搞?

Lm

lm

師兄，用過大陸地版，兩年後慘不忍睹。

大陸牌子定大陸製？
大陸製就9成牌子都係喎
大陸牌子就我見有啲價錢係外國既1/5，點會有好野

大陸嘢真心流

可以分享下小小經驗。比較左唔同地板，考慮左打磨原裝實本地板，超耐磨地板，磚，同SPC石塑，最後決定用SPC石塑，因為家中有老有嫩，小朋友比較百厭，木地板就怕小朋友玩玩具整花，地磚就怕小朋友跑時容易滑倒，我自己就覺得冬天地磚凍，老公考慮價錢.. 整合左大家的需求，就揀了仿木紋有邊的SPC石塑 (soliboard) ，全屋用左2萬幾蚊。用左兩個月，顏值係非常滿意，仿木紋確實很漂亮，踩上去有木地板的質感。不好的是已經有幾處花了，只係跌了啲工具落地，俾預計中容易花。同埋都比想像中難打理，因為那些仿木紋坑易藏污積。建議可以係舖頭度自己試。

仲有一點提醒下﹐好多人話可以自己舖SPC 地板﹐我地今次裝修都係DIY﹐本身真係諗住自己舖，慳番幾千蚊﹐但真係唔夠經驗﹐因為要地面好平先可以舖到﹐唔夠平踩上去會有聲的。俾人舖可以拋個波俾人解決。我地去過上海街同恆通建材廣場度睇sample。最後係恆通建材廣場1樓個間好長既日頭度買﹐店主好好人﹐有好多款式既SPC﹐價錢都比較平﹐可能因為樓上舖。最重要係售後服務真係好好﹐因為裝修一般都係舖完地板﹐再加保護先上油漆﹐所以舖完保護都無機會見到個地板﹐直到入伙前拆左保護先見到﹐之後發現可能因為熱脹冷縮﹐有一個位有一條小隙﹐因為我比較追求完美﹐一個電話佢地第二日即上黎解決左個問題。

最後﹐我覺得唔怕冬天地板凍﹐我會想用磚﹐因為真係耐磨同易打理好多。怕凍﹐我覺得SPC係好選擇﹐比實木平同耐用。

soliboard 好似好貴？咩價錢？

你依隻鋪出嚟可以有縫唔係似其他人無縫咁, 係咪佢每塊板本身左右都有條黑線？