做左三年獸醫助護 你問我盡量答

做過part time同full time VA
有咩想問我盡量答

遇過最西既醫生係點？

需要專業資格？

點解獸醫咁鐘意推薦hills同royal canin啲垃圾貓糧

唔尊重姑娘，自己心情唔好會亂發脾氣。喺姑娘冇做錯嘢嘅前提下屌姑娘，令到啲客覺得姑娘好卑微，唔聽我地講野。

入行就唔需要，如果你白紙一張又無讀過書，診所一定唔會放心將好多事情交俾你。城大有文憑讀2年，但其實邊做邊讀AIRC cert會cost-effective 啲。

有邊間24hr診所係有良心既

如果貓貓有病例如腎病，佢哋需要低磷低蛋白嘅配方，而RC同hills條formula 的確可以減低佢哋腎臟嘅負擔。如果動物健康，其實其他主食糧都ok啊。我啲貓貓長食wellness core，但肚痾會食RC gastrointestinal。

其實我覺得cityu vmc係唔錯，住院嘅話晚晚有醫生follow up, 急症都有幾位醫生唔錯。但每間喺唔同主人眼中會有唔同嘅評價，呢個喺真嘅

你反唔反對貓狗食生食或者鮮食做主食？

隻貓接咗返屋企一個月左右，帶佢去睇獸醫檢查，獸醫話佢耳仔好污糟，耳仔附近啲毛變哂黑色，每日朝早洗耳咗成大半個月都仲係好污糟，可以點做?🙈🐱

如果如非必要我唔會俾佢食生食，一旦處理唔好好容易會有沙門氏菌搞到佢肚痾，同埋有機會生寄生蟲。而鮮食就好容易令佢腎指數入面嘅BUN升高。但有部份皮膚問題/腸胃問題嘅動物食完生肉狀況有改善，呢個時候生肉可能都係一個解決方法，不過要做好杜蟲同food handling.

你而家幾耐洗一次耳仔？醫生有無睇有無菌/耳蚤？如果無keep住洗耳仔就ok, 有就可能要用耳藥。

呢幾年嚟幫貓絕育啲貓多數幾大度就做絕育手術

其實狗狗因真菌感染有皮膚問題，睇一次要千幾蚊算唔算貴

大約6個月大就可以做，通常來做嘅都係6至12個月大。有時會有啲6歲以上過嚟做但真係較少見。

要睇醫生做咗咩測試同開咗咩藥，有隻真菌藥itraconazole 成本又真係幾高apoquel都好貴但如果一啲止痕藥例如chlorpheniramine, cetrizine 就好平，所以真係要睇咩藥。

做之前洗唔洗約醫生檢查左先？
同埋正常貓仔幾錢倒

有幾個問題想問

1. 因為屋企個個都番工 一直都擺長糧 但係咪應該唔比長糧 早晚各位一餐最好？

2. 承上 之前試過早晚一餐 但係唔知係咪太肚餓 食太快 好易就嘔

3. 又係承上題 唔知點解佢好易嘔 有時食1/3罐都會嘔番出黎

4. 我買貴果d罐頭比佢 款款都唔食 canagan thrive 好味小姐 怪獸部落 呢幾款佢都唔肯食 但係donki 10蚊果d日本罐佢就食 咁應該寧願餵佢食乾糧 定主要餵佢肯食果款罐？ sorry for 1999

咁你知唔知hills 同rc有好多唔好既化學野同埋劣質碳水化合物 其實仲影響腎既負擔

年中唔少主人會有你個答案，無可否認RC係重味罐同幾咸（我為左我隻病貓試食過），但佢身為一個大廠有FDA approved 佢個quality check一定有水準，如果你搵到你認為啱你動物身體狀況嘅糧絕對可以俾佢哋食，我相信你獸醫都唔會強迫你買處方糧。

正常就唔需要特登做身體檢查先，手術會做埋基本身體檢查（聽診觸診）同埋驗血。但如果好擔心細個診症見見醫生都得，不過俾多個診金。貓仔小診所就一千頭一定得，spca會平啲但未必會驗血。

1. 放長糧最擔心食佢會食極唔飽，變咗隻肥貓你可以試吓買部糧機定期出糧俾佢會好啲。

2. 你有冇跟貓糧包裝上面體重指引嗰個份量餵？如果有都係食得好快咁唯有你用方法令佢食慢啲，例如慢食碗、續啲續啲咁俾乾糧佢，食得太快係好易嘔。

3. 如果改善咗食得好快都會嘔嘅問題，咁就要留意吓佢嘔嘅次數同埋嘔啲乜嘢出嚟，如果一星期嘔超過兩次可能睇吓醫生會好啲。

4. Donki 罐嗰啲日本罐好咸（我又試過）盡量可免則免啦，我自己一日就一乾一濕，乾糧幫佢清到牙石，濕糧就補充水份。一就你狠心啲試吓淨係比主食罐佢食睇吓解唔解決到嘴刁嘅問題？不過我都明好難因為我屋企有隻好嘴刁嘅貓

點解睇獸醫咁貴，係貴喺器材到？

我唔係老闆我唔知不過我聽講器材超聲波機x光機都係幾廿萬