《手捲煙》算唔算近年少有唔洗含淚睇嘅港產片？

為咗支持本地嘢呢，我通常大部港產片都會入場支持嘅

始終聽返母語廣東話嗰種貼身，係外語片無論點都比唔到我嘅感覺

但平心而論，好多片嘅質素大家都心照啦，都知而家做純本地製作好難，所以其實好多片我明知伏都係含淚買飛入場

好啦咁到難得有啲OK嘅片，好似《一念無明》、《濁水》嗰啲，冇錯質素係OK，不過通常又係議題慘情片，結果都係要「含淚」睇

但早兩日入場睇咗《手捲煙》，本身期望不大，反而有啲驚喜呢種咁純粹咁傳統又有電影感嘅黑幫類型片，近年真係好少見，我就係想要呢啲

其實郭富城套《麥路人》之後，我真係覺得殘疾片嘅極限已經到咗，係其他類型發揮嘅時侯啦，希望手捲煙票房好啲啦

下個月 殺出個黃昏都好精彩
繼續入場睇港產片

一秒拳王都幾好啊

呢套都唔錯
不過電影感冇咁重

師兄可以睇埋殺出個黃昏，下月中上，呢套係喜劇包裝嘅劇情片，好睇

邊套正啲？

我鐘意殺出多啲

啲演員表現成點？

睇左，好同意，啲燈真係打到好有電影感。唔知點解新嗰啲社會議題電影總係打到有啲福音電影咁

都係水準以上，可以特別留意新人鍾雪瑩

但早兩日睇調教你Mirror覺得佢啲戲一般咋喎

一套套啦，係有啲港台味

點睇

係四哥面前真係好似佢個孫咁

佢都係做番棟篤笑咪仲好

黃子華拍戲，一向唔睇好

所以我覺得含淚都要睇情況
再含又資助佢拍爛片搞唔掂

理論上除咗啲班底藍到出哂面嘅戲，我大部份港產片都會抽時間睇

想睇呢套多D

全部都值得睇
不過口味各人唔同

同填詞個鍾說係咪同一個人嚟

係

多才多藝

呢個月睇咗濁水漂流同手捲煙,兩套雖然類野唔同但以我睇完之後既感受嚟講我覺得濁水漂流好睇啲,手捲煙啲拍攝手法其實幾好,幾有港產片風味,但問題係劇情嗰度,有啲人物支線開咗個頭又唔講埋落去,好似叉仔細佬,按摩妹咁,剩係開咗個頭但又冇進一步發展,林家棟啲戰友又係,其實套野除咗佢累死嗰個之外其他都唔多關事,但係trailer又整到好似重要人物咁。佢咁樣我寧願佢着墨多啲主線好過