我係蟹，佢係蝎
我96，佢94，大我2年到
佢有條拍左至少6年拖既仔（大過佢但就唔知大幾多(同埋係內地過唔到黎香港
我就單身狗
跟住機緣巧合同佢d fri，四五個整日出黎一齊玩
行下山去下海灘咁
一路佢都對我有一種好親密既感覺，好似女朋友咁，講野嗲，又扮哂可愛咁，偶爾當我細佬摸下我個頭。我慢慢開始越黎越鍾意佢，但又要忍得好辛苦唔畀佢發現我既感情。。。
一開始兩三個月都係咁，每星期六日大家會固定一齊出黎行山。後來又多左睇展覽又或者出街影下相。經常會單獨同我行埋一齊。又係嗲嗲聲講野同扮可愛（都唔係扮，本身就係咁性格)，我自己就覺得同佢其實係藝術方面都同聲同氣既，暫時都唔敢覺得係互相鍾意所以有咁既行為。
後來有次變成單獨約出黎睇戲，佢又應承左。睇完落雨，但又要等佢d fri 一齊食晚餐，得一把遮，我好心問佢要不要一齊用，佢都幾開心話好，跟住我地就一齊係個雨中行左足足20分鐘，佢一路打電話問d fri到邊，中間我甚至問佢要唔要去商場裡面等，佢都好似無乜興趣。硬係要出邊頂住把遮一齊等。而最尾我地食完，佢都冇話畀d fri(姐係閨蜜)知其實佢已經同我單獨度過好耐一段時間。
之後就wts開始傾偈，由隔日傾到日日傾再到由早傾到晚，講真從未試過甚至諗過可以同佢去到咁既地步。。。
我斗膽認為佢應該都幾鍾意我，但天蝎既性格係好忍得住，故作神秘唔比你知佢心中d想法，而前幾日我地又第三次約出黎行街買野，行左整6個鐘！又第一次係維港海邊一齊食飯，但個次就同我講左兩次關於佢而家男朋友既事情，我就好奇怪佢如果鍾意我點解要同我講男朋友？而個下我就感覺自己係咪一直比佢利用緊玩緊，知我鍾意佢所以次次都“滿足”我但其實佢毫無動心，覺得我幾似男朋友的風格就癡住我填補佢內心既感情缺失？
網上都話天蝎巨蟹絕配，咁相處落黎的確係舒服既，但佢係我面前講埋男朋友d野，又由頭至尾一路做埋d女朋友既野（仲有好多，除左單獨一齊同擔遮個單野，譬如默認我可以多d身體接觸掂佢身體唔反抗，講野貼得好近，幫我治療傷口等等），唔知各位看官睇完個故事係點理解？尤其是希望有天蝎星座的巴打絲打可否把你下小弟分析一下對方既想法？
最緊要係我唔想比人當做個工具，咁我寧願單身都好過失去尊嚴。唔好意思d故事好似冇乜邏輯同埋可能因為打字所以表達唔係太清晰，還請見諒見諒
，我其他問題我都可以之後補充~
感謝大家！！
