真心一問，好冇辭工讀返書??

舊制中五學歷，得個10分，IVE畢業(零售相關)，IVE條出路唔岩做轉左去做物流苦力，平均逗2萬(計埋花紅雙糧)一個月，好處係工時短8.5HR，假多，一個月7-8日例假，年假12，大假12，做長之後有得加。勤力少少肯O下T既話每個月都可以有兩萬以上。工作就冇乜特別話辛唔辛苦，做慣做熟都OK，上司都肯比你HEA住做。 但就冇咩前途，每年加薪追通漲，唔拉關係冇法子向上流。做左2年幾，儲左D錢。
而家打算辭工讀返書，見到建造業個網有得報讀4種高級文憑，屋宇土木工料之類，想是旦報讀一科希望出路好D，好處係唔洗錢，但係可能比人食。 而我而家個學歷，因為轉左制，係報唔返IVE個D高級文憑，定係用我IVE畢業個學歷可以繼續報IVE既高級文憑? 咁既話讀IVE建造業呢行既出路會唔會闊D?
放棄左呢份工代表每個月少左2萬，但值唔值?

漏左講今年31歲了

而家唔讀就一世
自己諗

夜校？

你覺得值得就得，加上full time讀冇咗收入你習唔習慣先？定會做住part time？

做住PART TIME既話如果入得返呢份工都有1000一日，高過我做FULL，但唔知比唔比。如果唔得，我就好難搵到1000一日既PT。

我仲大過你，都係做物流相關，

不過係文職嗰邊，

而家仲讀緊pt degree，

預下年搞掂，

讀完唔保證有好出路，

但呢個年代始終有好過無，

如果時間、金錢容許，就緊係讀咗先啦

直接考外國gce再用年長生入u
盡量唔好quit份工半工讀
如果好有心機讀又掌握到個技巧考到個ok成績
會可以直入u
呢個係最低成本+最低風險嘅做法

我會咁諗，睇你係想行手藝定做文職管理（或者半文武嘅類似科文嘅工），如果前者你就讀返相同啲範考牌駁上大工收大工錢，建築業都好多分支，你唔知自己想做邊範就真係冇人幫到你

收入嘅話就自己恒量

建築師呢行真係好闊，行頭太多，要諗清楚自己係啱做邊類工種。建築已經有分Arch, building study。工程又分civil, structural, 電, mech, BS。測量都已經分6個工種。讀完出黎，你去唔同種類嘅公司做嘅野都可以好唔同。

其實去到呢個年紀轉行，如果唔係為咗興趣或者夢夢而轉，好難堅持落去。建造業肯定辛苦過做物流好多，諗清楚自己係咪真係鐘意做呢行先。

建築*呢行

為錢做尼行,咪去讀, 二萬一定有,三萬都有。一世打工,但你不會開心。建築業對很多文件,英文,急,快,趕,不斷罵罵罵罵罵,自信變低。然後你人生得番錢。失去快樂和自信 。


三十一好年輕。不如學手藝。做得開心,做到行業的最top,自然搵到錢。
尼樣好重要。改寫你一生。但頭幾年沒錢掛。

經驗 成熟 好多人到25都係on99

想搵多啲不如喺你而家嗰行捱多陣
你都識講拉關係可以上到位
咁咪拉下試下囉
好過30幾歲做新仔啦
俾你讀完出到去仲要同啲後生比較
心理壓力都幾大

ive有冇得parttime讀？ 做嘢唔辛苦可以放工去讀書

利申三十歲先開始讀degree 已畢業

讀完果啲濕鳩文憑出黎都係做3/4線濕鳩建築/工程公司

工程呢行本身就閪 當中既下三流公司更加係閪中之霸

樓主都三張野無謂咁樣搞鳩自己

不過如果樓主肯捱既 第時做判頭慢慢做上去做返十零年逗3/40k人工都唔係無可能既

前提係要有心理準備返六日朝8晚6 帶埋老母返工開會俾人屌 日晒雨淋 係地盤好似馬嬲咁禽高禽低