同埋我係出體撚黎，鬼神魔外星人乜都見過晒
巴打，你點出體有無見過天狼星人，係咩樣？同埋有無試過番唔到身體？
講到會唔會俾人捉，其實一俾人捉已經唔係cia咁簡單。當你做嘅野係會影響佢地而又周圍講，先有機會俾佢地捉。
冇見過天狼星人，但見過小灰人、黑影人、天使、墮天使……
有一次知道自己可以唔返去肉身，但我硬係覺得有野未完成所以返黎。
有時你地諗得太負面，驚呢樣驚果樣點搵真相？而且我最憎人植入恐懼……正面啲，地球有好既外星人睇住的
凡人終需一死丫，但我一直以人死如燈滅為前提去做去賭盡
如果真係好似巴打所講咁有第二生命既未唔可以再咁無所顧慮去博囉
好想突破依家咁無聊既世界觀同現狀丫
我可以話你知，死後先係開始，依家盡情體驗3D世界吧，機會唔係成日有。
可唔可以講多啲
見個名好鬼長巴打話聽完神同魔之後接受唔到，我都好想知自己能夠接受到咩程度。
依家咩都唔知當然自覺咩都接受到
我講講轉世吧，每一個靈魂也有一些原因來3D世界，可以係學習，可以係任務，亦可以係被罰落黎。靈界是有一個轉世系統，有一部機器揀時代、國家等等比靈魂揀轉世去邊。轉世前要簽紙忘記所有野，也要尊守地球歷史及時間性。有任務既靈魂通常會拎金手指save先黎，例如一出世數學好叻之類。
而有一些陰謀論話轉世系統比黑暗星人控制左，奴役靈魂不停投胎，呢一點我唔信的。因為我見過人投胎。
師兄 我有諗過少少關於依啲野 請容我發表少少意見 有錯請指出
我相信好多人都有聽過平衡時空
我都有諗過一啲類似轉世嘅野
係有平行時空既，另一個你同時係另一個世界體驗緊。
有冇可能下世選做外星人?? 同埋知唔知其他嘅自己做過咩???
有一種滲漏情況會知道，例如A學彈琴，B會突然了起條根又想學。但這情況不是絕對。
其實人類大部分都係外星靈魂……
之前師兄你講過要簽紙自己選 但比如非洲果啲冇野食個啲 又係自己選
我諗應該冇人想下世冇野食咁慘
