冇聽過你講個技術
但非入侵性既豐胸療程多數用脂肪轉移/刺激脂肪或乳腺增長黎做招徠。
但其實脂肪係冇可能單靠做機轉移到 一定係入侵性
如果美容院同你講呢啲 其實你可以唔使諗
或者你試做一次大左 但你過多一陣就會知係冇用
另外所謂刺激脂肪細胞增生成效都係存疑
脂肪細胞係食到佢變大
可能我才疏學淺 但靠外力去變大脂肪細胞我係冇咩數據係手 證明佢係work
講到呢到 又想講下豐胸膏
豐胸膏好多都係靠緊緻皮膚 提高佢彈性
黎令你覺得胸大左
如果佢一搽就大 你要小心佢既配方
個人睇法豐胸膏以12~18個月/cm黎做單位係合理
所以不難理解 豐胸另一個經常被忽略既關係係皮膚
不過我最想帶出一樣野就係
不論假體/自體脂肪移植
如果你本身真係太瘦 其實做完個效果都唔會好
甚至乎係做唔到
詳情可以睇下周x娜
而家覺得佢胸細未必係拆左彈(帶番頭規,我假設佢隆過)
而係而家既脂肪比同佢做手術個陣脂肪比唔同
有啲專業啲既團隊其實都會跟埋營養師比你
教你用岩既方法去增肥
好多女仔聲稱自己點食都肥唔到
因為佢根本係亂食
你係咁食垃圾食物唔等於有效增肥
就咁飲奶粉都唔一定有用
唔計侵入式方法既話
認真試食療同運動啦
唔好試幾個月就覺得算
以年黎做單位
可以同你講 走得黎隆既人 最後都係要靠飲食/運動去保養對胸連假體