有冇人成年先嚟學琴

琴行

唔緊要啦
其實我平均一日都練唔夠一個鍾，唔似嗰啲認真學嘅細路一日彈幾粒，都冇諗過要彈得幾好
其實學嘅時候已經知大個咗好難彈返啲高難度歌，不過就算由細學都係好少人做到
如果上限係8級就唔學，0永遠都係0，但學咗就至少有8級

有，第一年試左5級，成功左，
之後考5級學理，又distinction左
而家準備考8級

一年五級

一日練幾多個鐘

我都係一年左右五級
大人學好正常

其實如果冇時間每日練琴都有方法令到件事 progress 到
以獨立一首一首 piece 去計
我通常會將練樂器分成呢三個步驟
1 搵音
即係決定動作鋪排，令到手指 in order 咁去做嘢
2 熟習動作
即係將第一步已經 firm 好嘅嘢做熟佢
3 音樂感
即係將首音樂嘅 phrasing / 大細力之類嘅嘢做出嚟

如果將呢三個步驟分類，1/2兩個步驟係動作層面，第3步其實係思想層面會比較多。因為要決定幾時係一句 phrase，dynamic 變化呢一類expressing 嘢幾時先叫「到位」其實係好睇個樂手心裏面有冇呢種認知。而「思想層面」其實唔一定要經過左頭兩個步驟先做，其實甚至乎未開始彈首 piece 已經可以開始做。而如果對於首音樂本身已經對佢個聲音有概念，實質練落去個動作都會上手得快啲

我廿零歲先自學長笛。。用中學樂理，買書同上網搵教材自學。。學左3年，果時都係4－5級左右

中間停左成10年。。最近買反支笛玩反。。

興趣有時唔一定要比較。。唔通 自己屋 企吹下口哨 唱下歌又一定要考／考到一定級做目標先可以唱咩。。

不過好認同上面講 年紀大左學有唔同學習能力同練習時間 ge問題 。。所以如果玩下無所謂。。但認真學可能就要好好 規劃成個 學習同練習ge schedule

如果 問我，除左左弦樂 其他咩都可以學。。不過想學到幾多就睇你肯付出幾多。。
最緊要知自己目標

大家本身有冇其他樂器或者樂理底？

我依家先3-4到
不過其實學咗半年，夾硬練嘅話已經可以彈到5級歌，依家嘅話可以彈6-7級

彈琴為考學校，玩結他為溝女

講結他易其實係咪太睇小音樂?
古典結他其實都唔會比鋼琴易

老師我求其揾咋，未試過都唔知教得好唔好
價錢就8級＜演奏級＜音樂系＜教授
想要質素保證我諗可以揾有ATCL以上或者音樂系嘅人教
Sorry幫唔到你

係咪model咁先有資格玩音樂？

老土講句, 真係有心唔怕遲
我40先學 (全自學), 自學左9個月而家基本上所有流行曲都彈到
當然未去到見譜即彈果個層次, 但一般練2星期已經可以熟到無譜彈奏
平日每日練2-3個鐘, 星期六日最小練5-6個鐘, 依9個月日日如是

容許我有小小離題, 想講下關於自學...
我唔跟老師/搵琴行一黎係因為窮L, 二黎自問自己學野係快上手果種人, 跟人學未必最適合自己
岩拍岩音識睇譜依D只係最基本野 =識彈
但當然識彈=/=手勢無錯, 手勢無錯=/=好聽, 好聽=/=專業
自學有D死症基本上係會跟住終生, 例如手勢, 無正統跟過(好)老師始終無人幫自己糾正, 要靠自己糾正除非本身天材級, 自問唔係
而家自己算係介乎識彈<->好聽中間, 同"好聽"應該仲有5-10年距離

p.s. 真係想學就千其咪睇簡譜, 無意思的, 正如你唔會棄正體字走去學殘體字, 正體字一筆一劃都有其意義, 五線譜都係一樣, 每個符號背後都好有意思,全部有根有據

(我好想講多D, 但已經離緊題, 依個post唔係講緊自學無心騎劫)

其實大人有時間練一定考到
我小二/三開始學 小五考8級丁咗 自問天份唔係特別高真係日日練兩個鐘 上堂幾撚悶都頂硬上 番學都幫啲手指拉下筋喺張枱上面練scale
後尾中學疏於練習 AT同LT隔咗3年先考 AT merit跌到LT得pass
同埋大人自發性高過細路 係手指唔靈活彈得冇咁好聽

就算 pop，認真去學你估易？
唔計 improvise，淨係 groove 呢樣嘢已玩死好多淨係掂古典嘅人
淨係以街邊淨係識 1456 chord busking 小朋友為標準乜樂器都易啦

教琴問題唔係老師本身彈琴收養。

而家佢識唔識教你彈首歌。

基本上AT FT 咩T 係無咩用。因為人人都考到。要彈好首歌唔係淨做譜上面既野。 而係點樣令首歌注入靈魂。

音樂系大學既係講background. Theory

佢地有課堂係講教學法。但理論多。

但如果歐洲既話相對會全面d.

呢班老師未必彈琴好好但因為夠貼地，反而有時解決到學生難題。

如果music school 出身， RCM RAM HKAPA. 佢地質素就一定夠。只係識唔識教。因為考得入去都有天份。佢地未必理解你彈琴上既難處。

e. g你彈琴好硬，可能佢只係叫你放鬆手臂，手碗。但如果你問番老師。 點叫放鬆? 放鬆左咪彈唔到音。佢只會叫你，放鬆d唔係放鬆哂。禁學生咪會好confusing. 到底放到幾鬆先岩? 但老師當年做學生時佢老師都係講句要放鬆佢就做到所以佢點會明白你掌握唔到鬆緊度呢個問題。


所以夾唔夾就係睇老師講唔講得明你。

如果熟悉流程都好既。

不過為左考級而彈琴就無咩樂趣。

btw 如果半年準備其實曲目技巧上係跟唔到所以先要準備禁耐。

大佬今日練成點?

各有各難其實唔需要比較 我只係唔認同d人用busking標準然後話結他好易

例如上邊有條友話結他唔出得大場面咁樣

細個考到5級，放棄咗，宜家唔撚記得曬