朋友車房請人，技工/師傅

基本上請一百人，四年後只有唔夠十個留低

識嘅一樣咁低
個陣聽完滿師後個人工，直接諗轉行算

仲要比人屌老母屌幾年

咁我學師果間公司人多 真係可以一個師傅帶一個學師做

同期師兄弟個個都係咁學足4年 第三年開始已經可以獨立做到一架車

我唔知你個師傅點諗 我師父教學師一直都係抱住教識左你 我workload就細左

舊公司人多唔覺 轉左呢間之後 20個車位 9個人分 sa又係咁接車 一個人隨時4，5架車係手 根本做唔切

仲抱住學師係負累既話 呢行真係玩完 我舊公司等人用既程度係求人翻閹 待遇一切照舊咩都唔cut 淨係冇公職金

請大工 識做果班又嫌你人工少 我公司請高技offer到2萬底薪 有大車津貼有每月花紅有ot pay（淨係星期六ot) 埋單應該有3萬 咪一樣請唔到人

ps:見過有學師學左年半都唔識check車 果d就真係趁早轉行

利申 學師到依家都係做商用車 私家車係點睇就真係唔知

做到滿師嘅人太少

300 蚊1日

我依家都係整5.5商用車，又係入行年半覺得自己乜都唔識日曬雨淋又辛苦，無乜心機做

師兄覺得年半最少要識啲咩

我叫做識換turbo, egr 呢啲簡單野，連波箱都唔識抬

抬波箱你打算自己一個做？

當少林寺，學夠師自立門戶
話哂波子廠出身

我公司d人係一個人抬車頭同波箱 4擔田螺

人手多 幾個人一齊做只係錦上添花

科文得閒幫兩手都有既

係，其他師傅正常都係一個人，係我唔得

識換已經唔錯 我公司果件第三年學師 跟著個柒頭皮師父 學左三年連驗車前檢查都未識做 淨係識換油換格打牛油

以我經歷黎講啦 你識做呎車驗車之後 可以嘗試去學判症 當年我學師好幸福 師父睇完 比架車我睇 叫我用我識既野去出報告 寫完份野比佢睇（當然佢係睇住你做） 冇甩漏就比科文簽名交比寫字樓

做多幾架你個膽就開始大 去到第三第四年學師我都獨立工作 搞唔惦先搵師父

想學到野就一定要落手做同八掛 姐係偷人師 有d師傅好既會教你 有d唔好既會耍走你 偷多兩次就知邊d人幫到你 點忙都好 總會偷到雞去八掛隔離

例如隔離果個跟緊車頭咯咯聲 咪好聲好氣偷下師 人地都係學師出身 好人d都會教 教你就用心d去記 下次派到架車又係跟車頭咯咯聲 你都知點樣去摸索

同埋要識督機 我以前果間公司個system有standard value比埋你 依家果間冇 連日本仔黎教果個都叫你搵新車對 當你對熟左d數據之後 就可以去摸下燒碳耐啊 燒唔起碳啊 尿素呢樣果樣之類

慢慢黎啦 貨車好多野玩 4年學師學唔哂

成日聽到人講滿師就跳槽 但你即刻跳去第二間 人地都係當你補師 同埋係咪真係4年就學得哂“汽車維修”4個字呢 我又有d保留

多謝師兄建議
我考咗個中型牌之後就主力驗車，驗一架搞半日，返到車房啲濕碎野又要搞，啲維修野學得好慢

Btw 驗車唔多見有後生