(眼鏡撚交流討論) 貼你副眼鏡12

同意呀巴打
我屋企樓下嗰間有心做
又啱嘴型傾勁耐都得
仲免費幫我check眼有冇其他病
所以有時真係睇彩數
我都係戴咁多年眼鏡先遇到

即係旺角top 個間？

想問大家觀塘pepper有無負皮

其實pepper幾好，不過賣嘅brand好少

如果有間鋪頭只會一面倒有人唱好我肯定唔會幫襯

咁新黑可以幫襯啦 比你咁踩法

講事實點樣踩

要盲撐, 唔得都要話得

大約係員工對產品知識唔夠，由其鏡片，連個餐牌都未識睇，仲有驗眼非常唔掂

Pepper比人讚都係基於巴打們嘅購買體驗得來
呢樣係客觀事實
你句”一面倒有人唱好我肯定唔會幫襯”不過係主觀感覺
不如你具體講下有啲咩問題

追左幾個眼鏡po
感覺你都幾自我中心
畢竟眼鏡呢家野係你專業
與其日日係個po到屌屌共一沉百踩
不如好似豬巴咁
分享番啲有用嘅知識
唔好搞到自己成個支那憤青咁
好肉酸

https://lih.kg/sjmwQfX

#738 開始講返新黑唔掂嘅位出黎, 句句事實兼有其他巴打證實, 咁樣又比人話 "踩" 佢


連登仔中意盲撐咪撐飽佢, 副眼嘅有咩唔掂唔好去搞鳩第二d 鋪頭叫人執屎就得

咁呢個真係我主觀感覺喎

乜你唔覺得一間只讚不彈嘅鋪頭係無問題

定係你想好似 openrice 咁只可以有好味 logo

咩行業都好, 會唔會所有客100% 都滿意呀

再講, 眼鏡知識呢我就有分享嘅, 但係我唔係專業嘅就分享得唔多姐, 不過你話追過幾個po 都見唔到就快d 去驗眼啦, 驚你可能 va 得 0.2

我點解唔好似豬巴或姐金子巴咁係到分享咁多, 係因為我無打算係到搵飯食, 有睇過問過嘅都知我最中意叫你搵返相熟鋪頭啦

我敢講, 所有上黎 "分享" 嘅人都係多小想係到做巴打生意, 而我完全無呢個打算, 所以唔會好似其他人咁講野就住就住

憤唔憤青就見人見智啦, 我真係無亦唔洗靠眼鏡搵食

個問題係在於你都講唔岀間舖有咩要彈
一句說話就抹殺左人地積落嘅正面評價
依家唔係得個好味logo比人㩒
你係食都未食過就比

眼鏡知識當然有見你分享過啦
力推蔡司又屌柒其他牌子垃圾呀嘛
講解方面豬巴係專業得多
唔好意思靜係睇到你周圍屌
另外豬巴亦都無係連登揾飯食
落佢舖無幫襯過
但言談之間感受到佢對眼鏡嘅熱愛
仲特登幫我較眼鏡

上網講野係唔洗負責任嘅
但都做番個有小小養份嘅網民
世界唔係圍住你轉嘅
你洗唔洗靠眼鏡揾食無人想知
唔洗下下提住

係佢地到配過次hoya 1.74
印象中折完二千中
格過價算正常
邊間細舖賣到千中咁正
介紹來

你都係未明

我推蔡司屌柒其他牌子, 咁蔡司光學 quality 上事實係咪比其他牌子好

如果係, 點解我唔推得佢, 點解我唔屌得其他牌子

再講我唔係盲推蔡司, 我有分析過唔同種類嘅鏡片有唔同龍頭, 例如藍光係東海.

我推蔡司只係推佢嘅白光鏡, 蔡司新出嘅 blueguard 唔掂我一樣有屌過

另外, 你會落豬巴鋪其實已經代表左佢有機會做得成你單生意, 當然最後成唔成事無人知, 有太多因素影響. 你呢個case 只可以講成 "你上過豬巴鋪無幫襯到" 就並唔係佢無係連登搵飯食.

佢係真心唔想搵生意就隱姓埋名, 唔好開自己係邊到做

你 "主觀" 咁言談間感受到佢對眼鏡熱愛, 好大機會係建基於佢免費幫你較眼鏡姐

相對我都可以 "主觀" 睇成係佢陪養緊你對佢嘅忠誠度, 放長線釣魚嘅一種手法

嗱平貴, 重來唔係我本人去衡量幫唔幫襯一間鋪頭嘅因素

你有質數, 有服務嘅當然有本事收我貴d

舉個例, 做西裝就算揀同一隻料, 去兆萬做同去中環做, 都唔同價啦

用過蔡司superb同nikon 八軸
我覺得係各有千秋
你或者會覺得我呢啲客唔識貨
對眼係垃圾咁都分唔到
不如你講下鏡片所謂嘅光學質素點去定義
真心想知

豬巴方面
有啲關於佢嘅私人野就唔講
但絕對唔係放長線釣魚

你咁想知我就講下啦, 以下評論只適用於白鏡

首先你講果2隻我都用過, 淨係講反光 nikon 已經輸蔡司幾條街

如果講埋科學數據,例如

研磨點: superb 明碼實價寫明有 40000個(每片鏡片), nikon 呢我問過相熟sales, 佢話廠無比數據, 咁做唔做到自己諗啦

影像修正: 8軸咪就係修正8個軸向囉, 蔡司 superb 係修正 360度

最重要係返頭客數據, 亦都係最貼地嘅數據. 我經驗係用開 nikon 嘅客轉左蔡司, 最多無感覺唔會話差左, 但係用蔡司試用 nikon 嘅都話下次咪搞, 價又唔係差得遠

你唔信去搵你相熟鋪頭問問, 叫佢比餐牌你睇, 入邊有晒各種鏡片介紹.

最後, 眼垃唔垃圾, 各人唔同. 等於玩耳機有人覺得幾百同幾千蚊聽唔出有咩分別. 咁如果係咁都恭喜你, 唔洗無限追求

ps. 豬巴果到我say 個 sorry
我唔係有心拖佢落水, 我只係想提出 "如果唔想係到做生意就唔好披露任何可以搵到你本人嘅資訊" 以示清白

你講西裝

可以同你講係

我唔太識不過想知配鏡其實係咪都係交俾工場做?
咁會唔會平同中價店舖都用同一個工場?

落相熟鋪頭問啦

唔想講就我講. 錢就人地袋