我覺得我係一個負累

每次嘈交 好似迫到對方都好攰
每次見到咁 我都覺得好對唔住佢
係咁同佢講對唔住 我好內疚 令到佢唔開心
我都好辛苦
我覺得自己唔啱拍拖 好似害咗對方咁。。

有啲咩事覺得自己逼親佢？

嘈咩？

每次一嘈完 我其實只係想好返
想佢氹下我 但佢話佢好攰 想冷靜下

我果個又係咁 ，對住佢地 自己好似咩事都做錯咁

我係咁講對唔住
但有時會諗 點解我要做到咁卑微
拍拖唔係為咗開心咩

我會道歉，但都唔想自己喺段關係咁卑微，所以通常唔會係咁講，我剩係想話佢地知啲事喺兩方面無話單方面有曬責任。係為咗開心，開心既時候識搵你開心，唔開心既時候佢地根本唔識同你面對，改變緊佢，但真係好難，要時間。

改變緊佢嘅同時，我覺得我自己都開始迷失緊，感覺唔係做緊自己

唔得㗎 你地可以變，但唔可以無咗自己

遇到問題要解決同撩交嗌係兩回事
如果樓主每次都用指責嘅語氣同態度話條仔，其實你係逼緊條仔走咋。

遇到問題有好多種解決方法，點解下下都要搞到嘈交傷感情。仲要話自己好卑微咁道歉，認真，我做旁觀者都覺得你男朋友辛苦，因為你無限放大咗你自己嘅付出同感受。咁對方嘅付出同感受呢？

做男人只想開開心心簡簡單單咁同另一半生活，平常生活已經好攰，如果身邊人仲係咁唔理解，為自己增加壓力嘅話，拍拖唔開心，個結局會點你都可以想像到。

如果你真係著重對方嘅感受，根本唔會想同佢嘈
有冇諗過，點樣好成熟咁解決個問題而唔洗嘈交？你有冇同佢好冷靜咁坐低傾下？

有冇諗過你有呢個感覺係對方比你
目標就係想你內疚從而退一步

有時雙方關係唔係下下要贏哂岩哂
但係如果你有道理，就算錯都要企硬

原本都覺得會吾會系自己做錯
但諗一諗
每次條友做錯野 一句對唔住都無
然後就開始反擊吊老母話系你發脾氣
逼你死死地氣去氹番佢
最後 佢又系勝利者姿態同你講
咁你下次吾好啦