前十字韌帶康復記錄

我斷左十字韌帶個陣都幾徬徨
我都有上網揾左好耐下資料
感覺都好零碎下
所以想大約記錄低我康復嘅過程
嘗試會以每week 去update
等各位同路人有個參考
*我有買醫療保險

3/2021
一次踢波轉身 冇推撞情況下整到
初頭好痛痛到要坐低一陣
之後免免強強咁行到 拐下拐下咁

後尾走左去睇啲濕9鐵打2次（唔係好識野）
然後都可以正常行到路 慢跑到 追到巴士
但變咗急停都會痛
所以踢波都就住踢 逗住超級養生波
同埋明顯感覺到膝頭會發熱同有啲怪(鬆鬆地咁?!)依個感覺平時都有

4/2021
自己不停咁上網搵資料
睇吓關於膝頭哥嘅問題
自己摸半月板嘅位都有少少痛
感覺好似已經預咗十字韌帶/半月板會出事咁
所以跟上網揾資料入左gym開始操返腳


5/2021
情況持續左兩個月 困擾到平時做運動
朋友介紹下睇左骨科

醫生都係徒手check下
話要照mri先可以再講…唔使一星期就照左
確定咗前十字韌帶斷左 半月板邊有披口 有啲骨磨骨
然後醫生話有快期 一星期後就做手術
好快我就決定左做

第一次物理治療（手術前一日)
自己上網搵咗個物理治療
膽粗粗咁去睇咗
Physio同我講因為聽日都做手術
只可以幫你做電療消炎咁
然後就約埋手術後去見佢

佢話正常情況下佢哋會建議
做手術之前將大脾比操到120%咁脹咁大
咁樣做 手術後大脾無縮水得咁快
所以之前我做gym嘅決定應該都冇錯
不過唔知姿勢同方法啱唔啱

*建議你哋都係手術之前個0月
搵返物理治療師幫手

————————————————————-
手術day

聽醫生講
手術係用大髀內側hamstring limmentum
去代替返你嘅十字韌帶
然後係會係你嘅脛骨同股骨到鑽窿
將新嘅韌帶用兩粒螺絲固定喺入邊
好似一粒會吸收 另一粒就唔會
_________________________________
手術係全身麻醉
麻醉藥散左之後個一個鐘好hi痛
因為手術後無得再麻醉 同飲食
真係冇得食止痛藥
只可以靠吊鹽水入面加料黎止痛

好第二朝
已經唔再痛 但仲要瞓床！
因為未去物理治療到學行
護士唔會放你落床
同埋麻醉藥效未散 好hi暈

不過不過！！！！！
無得落床點去洗手間
啲姐姐會比個尿壺你自己去
不過唔知係咪地心吸力嘅關係
瞓係到真係好向左走向右走難去
所以我都係偷雞 企係到解決
單腳企 就下位咁 不過真係好暈下…..

無耐醫生黎左同我講手術好成功
叫我行比佢睇…佢話好扶住我
但呢行左一步 即刻觸電咁 好痛
心諗係咪玩9我
*醫生話有啲人第一日可以行到
唔知真唔真不過就一定唔係我

好快下晝去埋醫院嘅物理治療
俾佢哋知道你識用拐杖行咁就可以出院
拎住2星期sick leave 翻屋企長抖
*係用兩支拐杖

有驚無險翻到屋企 要沖涼…
67傷口唔濕得水…所以要用保鮮紙包腳
上網見有啲套可以買方便啲…但我無買
姐係以味住依排沖涼都好hi煩

聽講依家技術已經好過以前好多，不過通常都話冬天做好啲，夏天又包住個傷口真係死

Week 1
*基本上依兩個星期sick leave
都離唔開物理治療同覆診
物理治療逢一三五都會做
同埋活動上都係瞓床為主

第二次物理治療（手術後第2日）
基本上都係用兩支拐杖 拐下拐咁行
見到梯級 你會覺得好麻煩

見到扶手電梯 你會驚左
覺得前所未有咁郁得咁快

好嗱~去睇物理治療
基本上都係電療消炎消腫
教一啲動作比我翻去做
等肌肉萎縮得無咁快 同埋消腫快啲
同埋問下我手術情況係點~
*我手術無點整半月板 淨係輕輕磨過下
所以Physio話會比易好啲
然後再學多次用好個拐杖行

_________________________________
第三次物理治療（手術後第4日）

依日其實覺得可以單拐杖行
不過岀街驚人撞 所以都係雙拐杖好啲

Physio都係幫我電療消炎消腫 同冰敷
再教多幾組動作比我翻去做
然後拆左啲繃帶
睇我摺腳同伸直腳幅度
我個陣摺得90/95度…我真係盡左力

Physio話叫我慢慢放鬆摺個下
真係好hiiiiiiiiii痛 又好緊
緊到好似會斷咁…

然後佢話依星期二主要
要拎翻個幅度 同埋盡快學好行路 甩到拐杖
因為唔行翻肌肉會縮得好快
另外如果依星期摺嘅幅度唔夠
佢話要佢會用力幫我摺 聽完我驚左
所以呢我翻歸要勤力啲摺佢老味

_________________________________
第一次覆診（手術後第4日）

醫生第一眼見我行路 就話我行得幾好
然後幫我拆繃帶
配左個壓力襪/套？ 比我代替個繃帶
之後叫我瞓低 幫我抽翻啲積水岀黎
佢話有啲醫生就唔會抽 但佢一般都會抽
因為啲積水身體要吸收都好耐下
但抽個下吉支針落去就真係幾痛

不過抽完又真係幾好
即刻無咁腫 之後行都順左啲
然後個晚翻去摺腳 已經感覺摺多左！！正

_________________________________
第四次物理治療（手術後第5日）

唔知係咪抽完水關係
我感覺上已經可以正常行翻
不過要好慢 好慢 好慢咁
但呢安全起見 屋企都叫我拎雙拐岀街

Physio都係幫我電療消炎消腫 同冰敷
基本上同前幾日次都大同小異
不過摺腳方面 已經有125度
佢話已經達標 原本係兩星期要120度
而直腳方面去係差5度
聽完 我自己都好滿意下

你屈到隻腳去返正常水平 你之後要自己做gym練返隻腳
PT係幫到你去呢度

其實比我想像中好得快
係沖涼真係少麻煩
夏天就真留翻係冷氣嘅地好啲
但我都好想互外活動下

加油
利伸斷過，好返啲

心境開朗啲，都會康復得快

佢地好似有水跑機
聽講都有幫助 下星期try try

斷左幾耐啊？
而家係咪好翻晒

我係單車 之後慢行同慢跑
可能游水都得 你問下PT幾時可以開始做得呢d野

保險claim唔claim得足

咁你要自己搵PT 手術後幾星期要PT幫你屈腳
呢樣你唔可以自己黎

唔使擔心，我同一隻腳斷過兩次都可以正常運動，係唔可以出盡力姐，但一般踢波游水打羽毛球都無問題。但康復訓練要好努力先得，同埋岩岩做完手術唔好咁快打波住，起碼等9個月-1年先。咁樣好啲。（我就係第一次手術後3-4個月已經好似好快返哂咁，去左打幾場game... 但有一次跳高接波落地草地唔平聽到膝頭卡一聲就知收左皮，所以之後都唔敢成日跳咁高）

好返曬咁制 係急停差少少 其他跳呀加速呀都有傷之前 8 9成

保險agent 話可以！
我claim自己同公司總共有兩份

Lm

個陣我都係咁 話手術後先介紹我
又話我咁好野去做gym叫我小心啲
去到做完手術la 佢都未介紹
係第一次覆診先介紹我
已經係完左手術成個星期嘅事

所以自己揾定先會好啲
你當聽多個建議都好
至於醫生轉介信 你遲啲補翻比PT la

我都係乖乖地9個月後先做
信PT講野野唔想再斷

師兄第二次斷係咪 拎第二隻腳嘅Hamstring做
個陣咪痛好多？！

屌 我做完仲腫緊

犀利仔！！！！
十成先去運動la穩陣啲