大學畢業出黎做左3年hr
早兩日公司又又又又請人,收到份騎呢CV,見今日得閒蛇王就想同大家分享下呢3年到底見過d咩痴線cv
講左早兩日個份先
咩都齊,就係冇電話
咁我點約你上黎in?想我寫信定家訪?check清楚先ok??
以前收到一份最癲嘅係
空白file
一打開個pdf,空嘅,以為自己部腦有事搵同事部腦開,都係空嘅
之後排名不分先後
咩都塞哂落去CV,成份cv 30頁,原來將d cert都放哂落cv到,圖文並茂咁款
word檔版本唔相容,一開格式走哂位,轉做pdf先好難咩?
放張chok到爆炸嘅全身照係第1頁最頂,差d以為開錯file
格式太藝術,d字又直又橫砌拼圖咁,我公司又唔係d藝術相關行業,睇到眼都花埋
其實仲有d嘅,不過同上面比都唔算得d乜,所以就有機會再更新
有冇hr人又分享下見過d咩痴線cv啊???