‼️榮樂茶餐廳 虐待貓貓 - 小白‼️
有人發現榮樂茶餐廳門口隻貓（簡稱小白）
瘦到皮包骨 而且對眼發炎 身上多處有傷口
嘴角有血跡：
下巴有傷口：
其實好耐之前已經有人提過老闆隻貓眼發炎
可惜佢地根本無諗過要醫好佢 先搞到宜家越黎越嚴重
小白大部分時間都係合埋眼 無辦法開眼
之前小白隻腳行路跛下跛下 街坊懷疑係比老闆打
然後佢地話呢個係謠言 話係疊高嘅凳跌落黎受傷
唔理係咪自導自演 但連自己隻貓整親都要人地講先知
而且小白隻腳跛咗幾個月都未好返
叫佢帶去睇醫生又唔肯 淨係話有比佢茶藥膏
聽到人地討論 老闆即刻勁嬲出黎鬧人
但其實小白以前好肥好乾淨 對眼勁靚
有人建議帶佢睇醫生或領養 統統被老闆拒絕
好心人帶左貓罐頭黎餵佢食野
小白見到罐罐不停叫 明顯係非常肚餓
女伙記即刻出黎話已經成日餵佢食野
然後將小白引左入餐廳 仲閂埋門唔俾佢出嚟
諷刺嘅係 其實一班街坊表示從來無見過佢地餵食
只係見到小白每次肚餓
都係食污糟碗入面個堆 擺左好耐嘅深黃色物體
成日見到小白去廁所都係去街邊坑渠
patpat好污糟 癡住曬 結塊 無人幫佢清潔
成日要去隔離鐵打舖門口涼冷氣
休息就攤係啲污糟報紙上面
好多熱心網友要求榮樂茶餐廳及太子女出黎回應
而太子女表示佢係無辜嘅 佢完全知情 只係選擇沉默
佢表示救左呢隻貓 老闆會擺第二隻落黎
佢朋友好心勸佢 之後就比佢del左
其實好多網友表示成日見到小白
小白平時嘅生活仲慘過浪浪..
‼️「榮樂茶餐廳 虐貓前科」 2020年6月‼️
榮樂茶餐廳虐待另一隻貓（旺旺）佢都係眼發炎 瘦削
被綁左係門口 完全無足夠嘅活動空間
貓碗同生活環境都極度惡劣
好心人勸告帶佢睇醫生或領養
只收到茶餐廳太子女帶有諷刺嘅回應
不停強調自己控制唔到 唔關佢事
但係有好心人表示想領養旺旺
老闆表示無所謂 點知最後太子女出黎阻止
有人問佢地可唔可以領養 即刻鬧到人喊
榮樂茶餐廳回應虐待旺旺事件：
網友話環境惡劣 太子女回應：
「始終唔係屋企地下😂可以的話幫手搵領展洗地」
最後有人報左愛協 但愛協到場後老闆只係鬧人
有人話茶餐廳老闆將旺旺帶去其他地方 扮唔見左隻貓
最後到今時今日 愛協無辦法救走隻貓
亦都無人再見到旺旺
無人知旺旺最後嘅下場…
ps. 太子女自己屋企養嘅貓 乾乾淨淨 肥肥白白
‼️「榮樂茶餐廳 濫用告急事件」‼️
有街坊表示2020年係網上見到榮樂「告急」
所以即刻去幫襯 點知聽到熟客問點解今日咁多人
伙記竟然話係網上打告急兩個字好簡單咋嘛
過幾日佢地就租埋隔離間舖～
榮樂茶餐廳老闆
老闆同太子女接受採訪
堅持不裁員（緊係啦 舊員工比佢地鬧走曬
）
老闆平時最鍾意請學生食煙 簡直係功德無量
太子女
太子女成日分享愛貓心得
平時最鍾意睇抖陰
榮樂老闆嘅朋友話要請人跟蹤示威者
仲話要俾錢請人捅死岑子杰
平時就成日幫榮樂宣傳
榮樂茶餐廳個Facebook Page仲好意思用小白做封面
榮樂茶餐廳著名菜式：五成熟雞扒飯
小白係一個好癡人好嗲嘅貓貓
平時啲街坊去探佢 佢都會癡住人 想人摸佢
佢需要嘅係一個真心愛錫佢嘅主人
而唔係比啲垃圾佢食 要佢挨肚餓去捉老鼠嘅仆街主人
真係唔想再出現旺旺事件2.0
懇求大家多多關注 分享出去
唔好再幫襯 虐貓榮樂茶餐廳
多啲落去比壓力佢地 睇住小白🙏🏻
第一次開Po 好多嘢做得唔好 希望各位睇得明🙏🏻
懇求大家幫手推😭真係好想救走小白
