【per se 新歌】孤獨之塔

你與我分天隔地 同渡寂寞始終都算運氣

歌詞超譯時間，純屬個人意見：

《孤獨之塔》係以 「長髮姑娘」呢個童話故事作爲靈感，喺詮釋意象時可以對讀

MV一開頭，Stephen手上拎住信，信係佢寫嘅，踏過不同地方，經過隧道/陸橋，最終喺高聳難以逾越嘅高牆前 / 孤島前停低

歌詞講述 有人被囚禁塔中（cf 長髮公主），拯救者喺途中遇到 妖魔阻攔受挫。過程中 面對孤獨，後無退路，心理壓力大到承受唔到，一時之間自己都顧唔掂，枉論拯救 囚禁者。
呢度per se喺專輯介紹有提到「有人如公主般在塔頂被困，有人如王子般在塔外掙扎。救人的，也許也在等待被救；被救的，也許也在拯救別人」
呢個正正係對原先童話嘅反轉，「拯救者」同「被困者」並非截然二分。

配合社會現實，上面呢段歌詞可以理解爲抗爭者被捕、羈押過程中面對嘅沉重心理壓力，壓力來自 法律審訊下前途未卜、同羣體分離下孤獨感嘅煎熬；抗爭者原先想抵抗壓迫體制（「塔」）救人，但如今 救人者反而需要救助（「想去 救你 偏偏落荒 如何能為你再抵抗」）
兩者一時未能相聚，只能夠彼此思念忍受孤獨

MV跟住將視角轉去 Sandy（被困者），佢收到Stephen寫嘅信；原先Stephen喺隧道同陸橋 係見唔到人，但就係通過信件，物理上分隔兩地嘅二人，一剎那間仿似重聚

「多麼想遇到 每位路人 使我不再需要獨鬥」「怎麼可遇到 每位路人 可以給你給我 互慰哀愁」
其中一種理解，可以係講 通過書信，令受挫嘅抗爭者以及牆外仍然堅持緊嘅人知道，自己唔係孤軍作戰，亦都令到一直積壓嘅心理壓力有紓解嘅渠道

「你與我置身絕地 為了拆破塔尖鍊著勇氣 是我 是你」自然亦都可以理解爲 牆內外嘅人 依然爲未來抗爭做準備，兩者雖然物理上分隔，但心靈上依然連繫。

最後容許我借個位宣傳
燕子生命嘅「在囚手足網上筆友系統」：https://www.swallowlife.org/intro-heartwithmate

好撚正

per se寫信師

per se世一

per se 咁正

"每位路人 使我不再需要獨鬥"

聽到哭鳥

push

係咁loop

聽完首歌即刻的起心肝做寫信師

多麼想望到 痛苦盡頭 可以撐過明日以後

佢地無講明，大家自行解讀
呢首算講得好白

利申：成日loop粉碎糖果屋

不絕望，就自由

same

Post返我係廣東歌post嘅留言過嚟推下post

《孤獨之塔》歌詞令我諗起牆內/流亡手足（甚至係理大圍城）
我覺得其實首歌講嘅嘢係《不日之約》類似
兩首可以一pair咁聽
一樣都係講戰友被迫分開嘅情況
《不》就主要講思念同點樣去撐過去
而答案就係互相扶持大家
相信大家一定可以遵守約定
同時提醒大家要珍惜眼前人 唔好令自己後悔
而《孤》就呼應《不》嘅同時再挖深啲
唔止講思念 講埋孤獨同無力感
之後再昇華一層
講其實不論係被困定想解困嘅人都係有一樣嘅心情
因為大家真係當大家係手足 手足嘅痛就係自己嘅痛
而且就算分天隔地 肉眼望唔到 心都睇到大家係一齊努力緊 係一齊互相支持緊
係真正嘅「命運共同體」
「是我」亦「是你」

Anyways好期待就快出嘅MV
我相信一定會令首歌更上一層樓

Btw 我覺得《不》之前仲可以加埋《烽煙若說》（冇plug甚至冇入碟得YouTube 有所以好少人聽過，係19年903《風雨中抱緊你》其中一首）

https://youtu.be/XezctDiDkCQ

我愛per se

聽下先

你與我分天隔地 同渡寂寞始終都算運氣