買二手樓 大裝定細裝？

啱啱收樓 層樓40年樓齡 我係第五手
對上個業主住左廿年
所以佢個裝修都係廿年前
不過佢保養得好 牆紙地板入牆櫃都仲好好

我本身諗住三四年就換樓
所以諗緊好唔好大裝(全拆鋪新電線水喉)
定係油牆 整新傢俬就算
有無巴打教下我

住三四年就唔好搞咁多野，慳番d錢下間先整

如果細裝
我又擔心師傅會整花原有嘅地板同電線

住一排睇下有無咩暗病先
唔長住就唔好大搞啦
BTW點解岩岩收樓又唸住換

梗係大裝，自己享受幾年，幾年後賣個價加埋裝修，又賣高啲。。。。

大裝易賣D
住住下發現問題 / 想再大裝修，咁仲大工程啦

廿年裝修點接受到....裝啦
好多暗病未必睇得出

裝完賣貴少少 有啲人就係想買裝咗唔洗煩

大把人係咁
裝左又可以自己享受3-4年先

20年唔裝點住

化妝自住3年換單位
但40年樓齡真係要check清楚

唔裝修啊，都唔好意思叫朋友上黎玩啦

師兄睇好嚟緊三四年樓市？預升值幾多

40年樓 三年後仲有人接你貨？

大裝啦緊係
萬一之後換唔到樓咁點算？
焗住落去又嫌殘
翻手再大裝又浪費左個細裝同傢俬 又要搵地方短租

同埋就算細裝 做做下呢樣個樣又想整埋 筆錢唔係慳得幾多
埋單分分鐘同大裝錢差唔係好多

大裝 / 唔裝，千祈唔好細裝。
過來人，細裝完，「新+舊」會好眼冤。

無人接咪繼續住 洗閪死

所以一定係大裝，全爆唔駛諗。

利申：換親都全爆，唔理上手做過咩

收咗樓未?好多時都係收咗樓先會搵到間屋有問題

上手用左咁耐，本身都有花架啦
你要完美就要大搞，唔好姑寒d錢

如果長住嘅話我會prefer平少少殘裝嘅單位

住幾年化下妝咪算