電池爐定煤氣爐好

開爐制好似唔好, 好易扭親手, 佢平面

煤氣爐就夠火力, 夠鑊氣

有工人做清潔,用明火
要自己清潔,用電磁爐

對煮食無乜要求就電磁爐
煮嘢無咁熱 舒服啲

對煮食有要求 火力夠勁
就煤氣爐

頭就兩個或者三個 睇你需要 同廚房幾大

我之前都想咁整
見到有啲新樓係咁
但買兩個單頭好貴，唔係好捨得
最後買返雙頭明火算

射射各位 應該電磁爐 本身好少煮嘢

電磁爐，可定時關爐，有啲可控溫，少好多油煙。

用過煤氣，夏天煮食熱到pk。 要適應流通空氣，開大風扇怕吹熄個爐。

以前用開煤氣，搬屋轉左電磁爐
除晃一定冇咁熱，比較安全 唔會燒到周邊野
有時間制，易清潔
但拋鑊要就住，同如果要換爐比較煩

用電池作為能源嘅便攜式煮食爐
依家外國好興，因為夠曬方便
去到邊都可以煮野食
好似榴槤乜乜乜

肯定有好多人會話電磁爐冇鑊氣煮唔到野

其實睇功率，13A電源個啲唔滿意既可以揀20A什至30A

熱得好撚快架

覺得唔夠鑊氣係主觀感覺，因為個廚房室溫可以相差10度，而且用明火會有啲「hum hum」聲，咪覺得明火夠「鑊氣」好多

電磁爐清潔時方便幾萬倍，仲有如果你淨係用一邊爐頭，電磁爐可以提供更多工作檯面空間

其實只係唔識用 電磁爐熱得比較慢
真係睇住夠溫度先落鑊的話, 家用煤氣爐同電磁爐係唔會有分別

家用爛鬼煤氣爐話夠鑊氣本身就係搞笑
火又細4圍又冇野圍住,D熱力走撚晒去

電磁爐好廢
有得揀都想要明火

到底咩叫 鑊氣

會唔會好似以前gameboy咁樣， 買電池買到破產都仲未 打得爆機/ 淥熟個麵

我反而覺得主要係煤氣爐可以用圓底鑊比較重要， 有好多中式菜都係用圓底鑊比較方便， 當然都有專係畀圓底鑊用嘅電磁爐， 但都唔會特登買啦

同意 除非真係有心研究煮食 + 買高配爐具
拎住個易潔獲開大個火就妄想有鑊氣，係小朋友既幻想

相信係講緊爐頭加熱溫度上限， 同埋加熱嘅速率
除咗關個爐事， 都仲要睇下隻鑊係乜嘢材料
平時炒菜就最體驗到鑊氣嘅重要， 如果溫度唔夠高， 或者落咗菜之後加熱唔夠快， 咁就蒸發唔切啲菜滲出嚟嘅水份， 跟住啲水就會keep住好似烚菜咁樣烚熟啲菜成兜水汪汪

我覺得好多人話電磁爐無力係用座台打邊爐果d電磁爐去講，我用過20A果d嵌入式電磁爐真係唔覺同家用煤氣爐有咩分別

咁買個火數高嘅電磁爐，預多啲時間加熱個煎pan，都一樣做到夠高溫

明火本身好處係傳熱快，但都會干擾你煮食方法，無論用咩煮法，都會有明火加熱影響，可能呢啲就叫鑊氣？

例如明火蒸嘢一定快過蒸爐，因為個火本身都不停咁傳熱，唔同蒸爐真係只用蒸氣

各有各好。 電磁可以唔用煤氣，煤氣爐炒嘢食秒殺電磁。