我係借朋友acc post
長文，懇求大家睇晒佢
Post出黎唔想大家再受害
唔好再盲中中咁去咗呢間所謂24小時動物診所折磨自己寶貝
大家首先可以facebook search 下呢一間診所
有冇發現呢個facebook page同一般嘅商業account有咩分別？
就係佢係冇review 呢一欄
所有相都係禁人留言
點解呢？
就係因為呢間野太多負評
呃錢當主人係水魚咁劏就係基本野
醫生護士冇愛心
拖症、亂比藥
甚至動物留院時，主人叫診所比嘅常規食開嘅藥
佢地都會唔會比或者比漏
——————————————————
事源我一個月前寶貝仔氣促
佢一向都係有慢性肺炎嘅底
我屋企人做獸醫不嬲幫我寶貝跟開都好地地
但因為個晚9點幾
屋企人做嗰間診所冇夜診
所以就心急之下盲中中去左北角pet central呢間垃圾
一去到我已經將手頭上所有病歷、
心電圖report（我咁啱一個月前又做多咗次係最update）、
由2019年到2021年3月做過既十幾張xray都比晒softcopy佢地睇
同佢地講係慢性肺炎
所以一定要用抗生素
都同咗佢地講我屋企人係獸醫跟開佢case
都同意要用抗生素
因為係針對佢目前case最基本既用藥
原來我都係諗住比佢訓一晚氧氣箱同食住抗生素先
第二朝就湊番佢去本身個間診所睇
點知第二日晏晝見番佢已經比佢地搞到條脷伸唔番入去
直頭係透唔到氣冇力郁唔到咁
好喘氣呼吸唔到連條脷都變埋紫色
當時我即刻問當時既駐院醫生
佢一直都唔係好耐煩咁同我講：而家佢好喘好唔穩定乜都做唔到喎
最後發現佢地一直都冇比抗生素佢
仲係咁隊啲心臟衰竭藥比佢食
根本佢只係肺炎
心咩臟衰竭？
我再叫佢地比抗生素佢食
佢仍然西口西面答我：我做唔到喎
第三日唔知搞咩搞到我個仔暈左
一上到去見到佢係手術枱
一個姑娘係度手動打啲氧氣落去
當時醫生同我講佢係做完checking番左入氧氣箱過左陣先發現佢暈左
（但之後又話係佢做做下checking暈左）
途中啲醫生同姑娘都有keep住同我講會唔會考慮放棄比佢走
但個陣其實一直都有心跳同自主呼吸
只係比較微弱
同埋其實係有意識會擘大下眼
但佢地就已經勸我比佢舒服啲去
同埋話佢個腦缺氧左咁耐
醒返都未必識郁或者識得認人啦
途中仲聽到有其他姑娘喺度問急救緊嗰個：幾時可以去食飯、想食乜嘢飯
最後我隻仔好叻自己醒番
醒返之後都尚算有精神有意識識得應我
短短三日
我隻仔已經由4.9kg跌到落4.3kg
最離譜係我隻仔咁大個係未暈過
諗住問清楚佢暈嘅情況
牙肉咩色、有冇吐血、有冇抽筋
全部一律都答唔到
我問佢幾點開始暈
佢答我大概1:30至4:30
我問佢點解咁肯定？
佢話狗仔係做緊超音波嗰陣暈嘅
最後一張心電圖嘅圖片係顯示下午1:44分
所以「推斷」佢係個段時間暈
我係下午1:16嘅時候收到佢哋電話
嗰陣時已經話係急救緊
而下午2:53嘅時候我都有影相同屋企人報平安
又何來1:30打後暈、4:30先醒返呢
佢地話係base on 超聲波既record time chop
咁點解可以個time chop錯到咁都冇人留意到？
問佢做咗幾耐急救
佢答我：可能係五次，因為charge咗五次錢
醫療嘅紀錄可以由你收咗我幾多次錢而推斷出嚟
好野
其實我已經好後悔冇一早同佢轉院
明明我第二日去探佢嘅時候
有一個主人帶住狗仔過嚟複診
我問佢乜嘢事
佢話早幾日同佢做完手術
個傷口聯針聯得唔好
而家流膿要再做過
而係我通宵留守嘅時候
我喺等候區隔住塊玻璃望住佢嗰陣
我見到佢有啲抽搐同埋疑似抽筋嘅情況
當時成個住院部一個護士同埋工作人員都冇
我就㩒門鐘同埋拍玻璃叫人睇下佢
正常情況我咁樣同你講得有抽筋情況
都會即刻擰去後邊睇下啦係咪呀
佢淨係好簡短覆咗我一句OK pleae wait就走咗去
過咗1分鐘到開門叫我自己入嚟睇
我唔係想我入嚟
我係想你緊急地睇吓佢呀，24小時動物診所
入到去發現除左我隻狗仔
氧氣箱裏面嘅起碼有兩隻狗仔都係因為抽筋抽蓄暈低而入院嘅老狗
咁嘅情況佢哋都一啲都唔緊張
冇即時沖埋去睇反而施施然叫我等一陣
完全冇愛心同冇盡心
—————————————————
最後當然
我個仔係救唔番
即使後期同佢轉院
都因為佢地拖住唔比抗生素
白白咁困住佢係氧氣箱
係咁隊啲佢根本唔使食嘅去水丸同心臟衰竭藥比佢
身體虛弱負荷唔到
係呀
一個平日睇開睇熟既普通病
係佢地手上玩到救唔番
你哋害死嘅係一隻狗
但你哋喺我身上帶走嘅係我個仔
—————————————————
事後我將呢段經歷放上group share
點知我聽番黎嘅野仲恐怖
