蝗語快譯通：焦點VS亮點

潮語「亮點」嘅意思就是特別之處咁解，係內地常用詞語。經過多年中港交流，「亮點」已為香港潮語之一，被報章媒體廣泛使用。當《施政報告》及財政預算案一出，大家就不斷找「亮點」，看看有甚麼新「點子」。雖然通常都係無「亮點」，但只要用一點語言偽術，無「亮點」都可以成為有「亮點」，呢啲都見怪不怪。
唔知大家記唔記得，上世紀九十年代初無綫有個經典搞笑節目叫做「笑聲救地球」。我諗呢個節目播放嘅時候，好多人都未出世。節目係由廖偉雄同胡大為主持，仲有好多其他TVB藝員參與演出。其中有個環節，叫做「九七前後」，內容係預想一啲當年香港人嘅用語，九七主權移交之後，會大陸化。例如「行開啲」，會轉化成「靠邊站」，「警察」會變為「公安」等等。多得互聯網科技普及，依家大家都可以喺網上重溫呢套經典搞笑節目。不過老實講，今時今日睇番真係唔識笑。唔係因為啲笑料過時，而係「合時」！因為當年幻想「九七前後」嘅中港語言一體化，已經變成事實。而且融合嘅速度，我諗當年嘅人都意想不到。依家打開電視報紙，已經大量充斥強國化嘅詞語。高官、政客以至特首都不斷採用內地嘅語言模式。甚麼「重中之重」、「迎難而上」、「平台」、「內交」……坦白講，內地文化正在攻陷香港固有文化，所以，不少潮語都是來自內地，「亮點」就是其中之一。
喺網上，有啲人鍾意上載一啲照片，用心留意的話，會看到一些趣怪嘅地方。例如可能係內地招牌餐牌串錯字，又或者唔覺意影到有人喺圖中某處隨地便溺，上載嘅人通常會喺標題上寫「請找亮點」，意思就係無需解釋，你自己從相片中找特別嘅地方，呢啲都係呢幾年喺網上經常出現。
講開CCTVB，最近播緊一套內地製作嘅膠戲《西遊記》，播出以嚟遭網民鬧爆。CCTVB當然唔會理你感受，你有你鬧，我有我膠。呢套劇唯一嘅「亮點」就係夠膠，你唔鍾意咪熄機，反正香港人都無得選擇。獨市生意，係咁o架啦！

焦點 = focus

亮點= highlight

蝗語就係蝗語，唔好咁多藉口

Highlight 係重點

找出你身上的亮點



可惜 並沒有