女子組合Bingo關嘉敏出席活動時，回應被網民指倒戈一事，她強調ViuTV並沒有要與她簽約，而其經理人公司希望她向演員方向發展，並指「呢樣嘢唔係我可以話事﹗」及後又表示尊重公司的決定﹗
關嘉敏：「我去第二個台就話我差﹗」
關嘉敏對負評坦言感到好唔開心：「我參加《造星3》時會支持我，但到去第二個台就話我差，咁好似抺殺咗我嘅努力，我係演藝行業嘅人，咁樣分開唔係咁好﹗」關嘉敏又爆緋聞男友CY（陳澤言）雖然有為ViuTV拍節目，但並未有獲ViuTV簽約旗下，CY現正物色經理人。關嘉敏將參與無綫一個拳擊真人騷，被問到可有擔心會被指節目抄襲ViuTV《G-1格鬥會》？關嘉敏話：「依家我嘅處境係做任何事都被人話，所以都係嗰句，做好自己，唔令支持我嘅人失望﹗」
關嘉敏倒戈TVB被網民鬧爆 齊嗌Unfollow
女團Bingo隊長關嘉敏入行五年，曾因參演ViuTV真人騷節目《脫獨工程》而開始走入觀眾視線，去年參加ViuTV皇牌選秀騷《全民造星3》，更令她人氣急升，成為廣告寵兒，但早前她被發現已簽約加入邵氏，在電視城開工，網民對此反應激烈，紛紛表示要Unfollow關嘉敏！
現年26歲的關嘉敏英文名Carman，暱稱卡文，是女團Bingo隊長，入行五年，實力一直未獲認同，只被當作花瓶，參加《全民造星3》成功令她翻身。廿強之戰中，關嘉敏演出曾大獲好評，不過對正高水準的陳葦璇，不幸被foul，無緣入十強。
雖然有樣有身材又能歌善舞，但關嘉敏入行五年，直到參加《全民造星3》才彈起。雖然廿強止步，但人氣暴升的關嘉敏大受廣告商歡迎，所接廣告包括有雪糕、化妝、護膚品以至安全套等，類型廣泛。過去關嘉敏曾透露經歷過三年「低過最低工資」，試過有一次糧單只有8毫子，到近月她自爆狂賺數十萬，成功翻身。
不過已簽約加入TVB的關嘉敏現時在社交網的自我介紹中，仍寫著自己是《全民造星》20強的卡文（其實係《全民造星3》），以及參演過ViuTV劇集《黑市》和節目《脫獨工程》，最後才是她所屬的女子組合BINGO的名字。
