但諗諗下覺得話求生指南太過囂張，所以都係叫返心得分享算。
認得我嘅唔好爆我出黎 Thx
同埋要記住呢個只係分享，你唔一定要跟，亦都唔一定啱你洗。
但係如果你依家成績好差，好沮喪，不妨睇埋落去。因為我相信你好難差得過曾經嘅我。
講返少少背景先，我15考dse best 5 19分 選擇retake一年 最後best 5 19分數學4，英文3，Phy 2， 無讀M1 M2 ICT。碌咗入HD EIE。 21 EIE FG 掹車邊拎到1st Hon。
首先對於想靠poly hd 升degree嘅人，我要係到作出強烈呼籲，咪讀Poly HD
, 付出嘅汗水同收穫唔成正比。 乖，揀返Asso啦。
至於讀緊HD EIE嘅人呢，祝你好運。
我覺得讀書叻有兩個層次。
低層次就自然係成績好啦，但成績好未必等於你真係理解科野內容。
所以高層次就係融會貫通，真正入到腦，有人問你野唔洗google或者睇notes都可以答到。
我自問未做到高層次。但對於大部分學生黎講，低層次嘅讀書叻已經好足夠。
不過亦都係香港教育可悲之處。
咁我講下我點讀書啦。
其實都無咩特別，都係上曬堂，唔明問阿sir，要操卷咁。
不過因為我係HD升上黎，咁岩升上黎個年就要強制exempt。
即係HD讀過嘅科無得重讀又無credit transfer。變相要讀多啲深嘅course去填返credit。
搞到我4個stream有3個stream都讀過。
我個人係覺得幾辛苦下。因為個個sem爆cre都真係幾係野。
上曬堂就基本嘅。特別係online learning有recording簡直係德政。我住得遠又無reg到hall。
個個星期幾堂8半真係頂唔緊。所以大部分堂我都唔會睇直播。而係用2倍速睇recording。
咁時間就可以自己更好咁分配。但幾忙都要逼自己個個星期清曬啲堂，一堆上去就會跟唔上進度
同埋唔想睇。咁點樣逼到自己睇呢。我嘅動力其實係因為我好想拎1st Hon。
我係一個悲觀嘅人，經常去幻想一啲最差情況黎恐嚇自己
例如HD時就諗升唔到未做成世保安，見到朋友都唔敢打招呼。
升到上黎就諗，EIE香港無出路，本身年紀已經唔細，拎唔到1st Hon未讀完都無人請。我就係一路咁恐嚇自己去push自己溫書。久而久之溫書上堂就成為習慣。
而我留意到好多讀唔掂嘅人包括我以前都係因為跟唔上而放棄。
但好多時跟唔上係因為比啲式嚇怕或者個阿Sir講到一舊屎咁。變到無從入手。
事實上EIE大部分阿sir講書都唔係好掂，不過人就好nice。你肯問佢地一定會答。
我大多數時候係直接敲門去問。不過最好當然send封email先啦。
所以你一定要知自己唔明咩。唔明就重播聽多幾次。
我自己係會用What, Why, How 去了解一個新concept。
例如DIT FFT,
What就係問呢樣係咩黎，佢係Discrete Fourier Transform 進化去搵出time domain signal 嘅frequency representation。
Why 就係因為可以用少啲computation step去計。
How就係單數order step同雙數order step分開計。不斷拆到最簡為止。
我唔明邊part就會寫落question list，儲埋曬question一次過問。
更理想做法係自己諗下possible answer再去google下先問。
但因為workload問題，好多時去到sem中左右你已經無時間再去深究唔會考嘅野。
而我個人升咗上黎之後係比HD defer個年懶，集中力又唔夠，所以成日溫溫下去左打機 到凌晨先溫書睇recording 溫到朝早又訓過。
最好唔好學我咁，好傷身。同埋試下制訂每日要做咩。盡量跟返個時間表應該會好好多。
最後要一樣野就係記得要操卷。大部分阿Sir都好懶，題型經常重覆
。大部分題目你第一次見係會坐左係到，更何況考試係計時間。所以你做左先絕對有著數。
唔明嘅可以去問阿sir。但切忌唔好叫佢地比答案你。而係應該做完之後問佢咁做岩唔岩。
好人嘅會直接教埋你點做。
我嘅分享暫時係咁多。會盡量回post。諗到有野要講會再加。
不過其實都有ELC CLC讀 我都爛左grade
