一拳超人 重製版 第190話

好似夾硬捧高佢咁

一啲都唔正
風格完全係copy波羅斯（鎧甲皮膚、發光體），冇餓狼味
餓狼嘅怪人化造型應該係繃帶皮膚血肉混埋一齊
同埋保持人型（怪人化之後都仲係武術佬）

比較啱feel嘅畫風應該係打囚犯嗰陣


而我期待打完邦普、邦古後，再進化，會有返原作呢個充滿邪氣boss味濃嘅造型

繃帶加皮膚血肉混合，變左凱甲
而且依家個餓狼好似失去左常性
唔同老師打果陣仲識講野

好似格斯狂戰士

今次有D忽然變勁咁，可能後面有小篇寫佢

畫到成隻野獸咁冇晒理性

佢有人氣?

怪人王係咪唔出嫁啦
印象中好似講過仲有更多戲份嫁喎

兩師徒D招肯定係睇完海賊王新創嘅

就係成班s級圍佢 之後應該無啦

黑光見到餓狼 會唔會心理陰影出返晒黎

比佢打多次應該會

睇咗幾次，有幾點感想：

1. 今集亮點係黑精分裂嘅表現力，大場面的確係村田強項
2. 黑精同流浪帝互相計算呢條line幾好
3. 餓狼造型唔符合佢怪人化條path（上面講咗，唔再重覆）
4. so far 背心尊者都出咗場成三次（進入戰場，打大總統，被救），但所花篇幅同佢嘅存在意義完全唔成正比，冇戰鬥定位之餘仲要隊友消耗精力救佢，咁出場嚟做咩？當one同村田決定將係重製版將背心重新加入戰場係想表達啲咩？（背心力係有意思，但缺乏戰績下亦只係較強嘅恢復力，唔見得好特別）
5. 原子無啦啦放低對邦古嘅懷疑，又加插幾句王道漫畫式對白，但成件事好突兀，完全見唔到懷疑—＞信任呢個轉折過程點嚟

其實第4、5點都係重製版老毛病，作為傾向批評重製版嘅人，我重申一次立場：重製版增減劇情冇問題，加得唔精彩／加完冇乜意義就有問題

好想睇餓狼對邦古但又唔想邦古輸

應該會拎堆新角色開刀

又係d典型原作黨用原作設定去批評人設應該點進化 應該點畫成點
再者餓狼明顯打完邦古又會進化多次，根本未完成怪人化

背心作用就係被幹部虐殺，突顯幹部既恐怖，增添原作被邦古秒殺冇作為嘅遺憾，其他英雄係做唔到咁殘忍嘅畫面感

原子𠴱到又loop
「前面原子武士被黑精打到仆街，旁白已經話S級英雄感受忘記好耐到恐懼，到後面原子武士再話搞唔掂 要諗吓辦法，然後先主動提出要合力，仲被其他英雄吐槽，佢都話只限今次。成個過程鋪陳得好完整啦」
前幾個po嘅回應黎，有晒鋪排叫無啦啦
再講如果喺咁絕望嘅場合，明明無力冇作為 但仲係自以為是 我行我素，咁樣冇成長嘅原子就只會係一個on9中二病，咁嘅人設先係失敗

咪隨意用原作撚標籤我

餓狼點樣怪人化，重製版一直有描述，唔使涉及原作，即使涉及原作都只係當比個reference做參考
再者，故事未完咁梗係可以再進化啦，但咁唔影響我根據現有資料評價佢宜家呢個型態喎

背心尊者，你覺得咁叫作用，而你又覺得ok，咁我都冇野想討論

原子嗰度都係，我有睇你個回覆，但我唔識應你
我知原子係有講呢段說話，我亦都唔係話原子性格唔可以變。但我覺得戰鬥都未去高潮，就有人物性格上嘅變化，唔精彩；而你可能覺得劇情已經去到一定程度，有變化冇問題
呢啲位可能真係觀感問題，我都唔識／唔想同你辯論

餓狠型係型
但冇左果種混沌同瘋狂既感覺

狼

「餓狼嘅怪人化造型應該係繃帶皮膚血肉混埋一齊」（原作傑諾斯講嘅）
「餓狼造型唔符合佢怪人化條path」
你咁講明顯係假定咗餓狼個樣理應同原作一樣，總之係你心中有個餓狼怪人化模樣嘅定準
即使你話你冇依原作去評價，但其實你嘅判定只係建基於餓狼之前未係怪人化時個樣咁估 >餓狼怪人化個樣都係要大概係咁，但其實冇話過一定要好似你心中所想
即係你係可以比較之前嘅人設，話佢冇以前咁癲狂獸性冇咁型whatever，但唔係判定佢依家個樣「唔符合、唔應該」係點樣嘅模樣

原作同重製明明各有千秋，我見到嘅係你一直避重就輕咁插重製，以原作標準去批判重製應該要點畫先係正路
咁好難唔話你係原作黨啫

之前有個理論個神係月球

重製版增減劇情冇問題，加得唔精彩／加完冇乜意義就有問題。

呢樣真，冇意義咁加係畫蛇添足=畫到冇左原來味道就真係冇咩用，節奏慢左，又俾人觀感差

吊住大家癮姐，黃金精子都未出現無咁快到餓狼出手掛