買樓係買舊樓定半新樓好

如果兩間都夠錢，一定係買貴買新.

第一，太舊下手真係無人接，你只有等重建先走到
第二，舊樓個升值潛力一定唔夠新樓大
第三，你會自己入去住，舊樓個環境同鄰居相對無咁好

當然如果你有以下問題，就揀平既諗啦:
1) 唔夠錢
2) 收入唔高

仲有最大既問題，舊樓你買左一定要全爆，半新你都可以再諗，呢度又係錢

起手自住最好買20年以上，35年以下，最好老牌屋苑，實用尺高周邊配套齊，而且管理差餉平。
買新樓除非想投資/show off，否則剩係個管理費差餉一年加加埋埋夠你供多層。

你同佢講二十幾都好舊

你屋企人有無投資開物業？ 你太舊嘅樓難啲做按揭。
俾個例子你參考，有個朋友喺差唔多時間買咗一間新樓一間單幢舊樓，新嗰間幾年升咗30%，舊嗰間升咗15%。

見到好多AA 係到水人買全新樓
新樓發展商食左未來3-5年溢價無人講？
$5/6 一尺管理費無人講？
新樓呃鳩你實用面積無人講？

自住寧願買半新，起碼水電都少野煩d，樓價上落都影響唔到你
買舊樓想換新時都要睇返之後樓價點，投資又或者預左唔會一個單位住一世就可以揀舊樓，理由你都講曬

呢個年代香港買樓仲會有平平地咩

認同，十年內先叫半新

當然，你睇太古城同美孚新村，荃灣中心呢D會唔會賣唔出？（凶宅除外)

窮人思想
有錢邊個唔想買新樓 無錢買就話人水你

百貨應百客
唔明點解要咁憎全新樓
舊樓無會所 環境一般 要大執 下手難放d

價錢反映質素喇

窮人思想先淨係貪新貪會所有錢人係睇地段，靚地區地段啲4x年名廈呎價可以貴過同區2x樓成倍

鬼唔知睇地段咩...邊個買樓唔睇地段
會所果d off topic不討論，只討論新vs舊
未見過有錢人有新樓唔買去買舊樓
如果唔係豪宅地段d新樓呎價點會咁撚癲 成3-5萬一呎
2x年樓都叫新我無野好講

地段=贏在起跑線
其他都係堆砌出黎嫁姐

價錢反映質素

新舊樓價中間有折讓以經反映左
舊樓你預平買 平賣， 樓市升都一樣會跟升，你靚價入一樣有得賺

新樓貴買貴賣，高溢價開售 唔見得升幅一定贏舊樓
頭一兩張價單平抽到先有水位
近4-5年港島區d新樓好多都輸錢，相反買半新/舊樓穩穩陣陣跟樓市升幅

真係唔知邊個窮

買新樓可以用呼吸plan
買舊樓 唔夠首期就過主

仲呼吸plan =.=
大佬咩年代

舊居屋咪平一截囉

居屋補完地價都平過同樓齡私樓啦,十字型居屋一層最多都係十伙姐

最後樓主有咩決定