做完正顎手術兩個星期

所有箍牙、手術、雜費等加埋八十萬。
喺香港俾咗咁大筆錢，就算佢肯寫信比我去外國複診，外國可能再收多我一筆錢。

做咗超過5年
伊莉沙伯做
完全成功
倒及牙
醫生攞我case嚟做reference
下巴感覺完全同做前無分別

做完人際好大分別
以前係無人讚靚
仲識到心儀對象

呢個係我人生其中一個做得非常好嘅決定

恭喜呀，我下巴感覺都返矖嚟

莫非我俾貴咗？
我冇格價，佢比張報價表我，我都覺得好貴，但唔想成世人咁樣衰，所以孤注一擲...

我未做得，仲箍緊牙。

十幾廿萬？應該唔係喺香港做吧？香港嘅話，淨係麻醉師嘅費用都超過十幾萬。

我牙醫話過有人喺香港箍牙再去台灣做手術，咁會平啲。但我唔識揾台灣醫生，唯有局住喺香港比貴啲做手術。

唉，天生樣衰，又冇咗筆首期。

做手術嗰時我竟然係日間手術室第一個，所以姑娘係咁催我搞我我驚驚地，跟住去到手術室見到有兩個醫生坐喺度，然之後我就比姑娘插尿喉左手整鹽水豆因為我啲血管唔明顯所以插左幾鑊仲有啲痛，右手量血壓，然之後帶氧氣罩用力吸起身已經做完，起身冇特別唔舒服，但係打冷震打得好犀利上壓好高喺蘇醒室休息咗一陣，就上病房。

頭五日做完真係非常辛苦，成塊面腫晒，唔可以躺平瞓覺，成個手術唔會發現到傷口，除咗食嘢影響冇咩精神其實都冇乜嘢，沖涼嗰啲都冇問題，好彩有屋企人照顧左我兩個星期，我大約食咗三個星期粥

咩問題做手術？喺邊度做呀？

本身兔唇，下顎突出嚟
我個手術係做上顎拉出黎，剝咗三隻智慧齒，同埋做下巴
我勁滿意而家我下巴真係好靚，但係因為下巴太近神經線我到而家術後6星期都好痹

本身下巴係點？

本身下巴凹陷，同呢張相差唔多一模一樣

做完右邊咁？咁真係好靚喎

我都係日間手術室第一個！
不過冇插尿喉 做完嗰晚仲嘔哂血
食粥同糊真係頂唔順 唔夠兩星期就食返飯
加油 敷多啲臉消腫

我係公立醫院做 ，上同下巴 。 住左一日到，頂唔到係醫院到訓 不停要醫生比我出院 。個醫生O哂咀
味試過有case 住一日就走 。
完全冇後悔早走醫院 ，番到家訓番自己張床同洗乾淨個頭休養程度level up

嘔血好似好大獲喎⋯⋯我就做完唔小心打咗一個乞嗤就不停流鼻血流咗6咗鐘。我做完手術起身個個樣真係慘不忍睹，因為自己毁容但醫生又話手術好成功咬合方面好好，我術後頭一個月上下咬埋得隻犬齒係掂到，完全食唔到野，4個星期後情況突然好轉好多可能係因為拆咗金剛圈（金屬支架攞嚟固定骨頭位置唔好移位）成個口舒服晒！

應該會靚咗架
我一做完個鼻都成日流鼻血
而家就嚟六個星期都未拆金剛圈…
好想快啲拆 問過醫生佢話可能八月先

我覺得擦金剛圈其實都幾辛苦，再辛苦過拆線少少，佢唔會打麻醉針但係會用麻醉噴霧成個口勁苦，但係啲噴霧麻醉時間好短我個醫生太年輕拆得好慢拆到下面個時已經好痛，成個口都流晒血就一定，但係痛楚唔會維持好耐一兩個鐘係啲牙肉有啲受損。

我上個禮拜見完箍牙醫生，幫我拆咗少少釘等我清潔得再好啲，佢話做完手術等啲骨頭生定啲下個月先再cool牙。

想問下你排期排咗幾耐左右

我冇拆線呀 醫生話啲線會自己溶
之前都聽過會拉扯到牙肉好痛
我都有定心理準備架喇
你係邊度做？

你由幾時開始排㗎？
四月嗰陣排醫生同我講話前面有200幾個
要等幾年

上年四月你排邊間

好驚 聽日入院做

菲臘
shit咁我仲有排等
我上年八月箍牙先refer
初診已經快咗有得睇，以為可以好快開始
點知係漫長等待嘅開始

唔使驚全身麻醉吸幾啖麻醉藥
醒返就做完