其實點解泳兒紅唔到？

我都係 個腦自動播出黎

搵返十年前既新聞
唔係泳兒fans 但我好撚憎艾辛

忽然1周
娛樂頂點
開戲無期　宣傳大減　泳兒遭祖兒打壓
2010年08月13日

入行 11年的容祖兒（ Joey）早前宣布同英皇續約成功，皆大歡喜。不過近年深得老闆楊受成寵愛嘅泳兒（ Vincy）就笑唔出，事關祖兒約續約條件之一，就係要打壓眼中釘泳兒！
為了一姐祖兒肯續約，楊生即對泳兒閂水喉，年初仍排場十足嘅泳兒，近日助手已由三變一，原定安排擔正拍住霆鋒嘅電影又開拍無期，連新碟發布會都由大酒店變為中環餐廳，仲要同鍾舒漫孖住搞。被祖兒咁打壓法，唔怪得泳兒人氣跌晒 Watt啦！

出道 4年的泳兒， 06年憑一首《感應》為人熟識， 08年與海鳴威合唱《我的回憶不是我的》更令泳兒人氣急速上升，老闆楊受成亦對泳兒另眼相看。知情人士說：「當年泳兒贏咗新秀，楊生一直都冇留意佢，直到佢同海鳴威首歌唱到街知巷聞，楊生先開始留意佢。泳兒好識冧楊生，講親嘢都陰聲細氣，又聽教聽話，之後佢就開始得寵喇！楊生仲叫宣傳部俾多啲資源谷泳兒。」

得寵後囂爆

泳兒得寵後即囂態盡現，人前人後擺阿姐款。據知情人士透露：「泳兒得寵嗰期真係好囂，即時要求三個助手跟身，喺公司見到祖兒都當佢透明，佢淨係對楊生楊太有禮貌，所以祖兒一直視佢為眼中釘，而其他英皇星就埋祖兒堆，都唔鍾意泳兒！」雖然辣㷫公司上下，但楊生對泳兒依然寵愛有加。去年找來彭浩翔寫劇本，搵霆鋒做男主角，打算開戲力谷泳兒。唱片方面亦應承今年會豪花十幾萬在酒店大搞新碟發布會，可惜埋門一腳被一姐祖兒破壞。

泳兒埋唔到堆

上周六（ 7日），英皇歌手齊齊出席「新城國語力頒獎禮」慶功宴，大合照時， friend底嘅祖兒同林峯自動埋堆，唯獨無人理嘅泳兒縮埋一角，唔留心真係睇佢唔到！

一姐排場勁

祖兒去到邊都有兩名助手（白圈）跟身，拎獎都有助手代勞，排場十足。

即時打入冷宮

去年英皇已開始與今年 7月約滿的祖兒傾續約，雙方傾了幾個月，到兩個月前終達成共識，祖兒與英皇續約 5年。據知傾約其間，祖兒曾對楊生開出一個條件，就是要公司對泳兒閂水喉。知情人士說：「雖然楊生錫泳兒，但講賺錢能力，祖兒始終係一姐，所以祖兒開到聲，楊生惟有犧牲泳兒。本來開俾泳兒做女主角嘅電影依家開拍無期，新碟宣傳亦 cut晒 budget，連助手都變番一個。」
剛於 7月中推出新碟《預見……遇見》的泳兒，最終屈在旺角唱片店中舉行簽名會，酒店發布會則變成孖住鍾舒漫在中環餐廳細搞。

上週六（ 7日）泳兒被記者問到有關電影開拍無期一事，本欲開口回應，卻遭助手及另一英皇工作人員攔截搶答：「一切都要等公司決定！（連新碟宣傳都 cut budget喎，係咪俾祖兒打壓？）唔回應！」
之後記者求證祖兒，其助手亦即時攔截說：「祖兒唔得閒回應。」顯得相當避忌。

泳兒尷尬苦笑
記者問泳兒有關遭祖兒打壓一事，本來想開口答嘅泳兒，被殺出嘅英皇助手及英皇工作人員阻止，全程由助手代答，有口難言嘅泳兒惟有尷尬苦笑。

新碟宣傳縮皮
上周三（ 4日）泳兒孖住鍾舒漫喺中環 Backstage Live Restaurant搞新碟發布會，雖然同場有英皇高層吳雨和霍汶希撐場，不過公司只送上價值百幾蚊嘅美心蛋糕。原先安排十幾萬的酒店排場變成同鍾舒漫在中環餐廳搞，難怪泳兒笑得好牽強。

旺角搞豆泥宣傳
其實泳兒的新碟在 7月已經開始發售，不過宣傳欠奉，簽名會更在旺角蚊型唱片舖搞，人流係夠，不過冇排場喎！

容祖兒未死

咁側田嗰陣又真係紅過嘅
佢應該係鄭融嗰類 有紅歌但係你問佢邊個年代好紅呢又答唔出

泳兒又肯繼續留英皇留到而家 吹漲

呢首好好聽

未去到泳兒咁唔紅 但值得更紅

女兵歌

佢以為艾辛返左大陸發展英皇會棒下佢
點知

有呢張圖個陣兒連仔先岩岩出世
唔識架喇佢地

佢近排首花心幾好聽
不過唔係主流曲風

你想講孤毒？

林俊傑 曹格 戴佩妮 孫燕姿 蔡健雅

呢啲喺香港好紅咩? 稱得上香港王皇天后??

唔算紅極一時 最多係有話題性 大家有期望
好似jc jace 咁上下喇我覺得

pin this

近排曝光率好似高返好多
成日係viu見到佢咁

插蘇鼻 同似隻鹿

好多人都知 但唔會理
大家討厭周柏豪先成日提住佢係再出發其中一員 仲有果啲言論
泳兒 小背心呢啲歌手都係唱下歌 冇乜太大反應係合理
最緊要係呢兩個都有實力 唔似得hana Fred 呢啲星夢歌手咁垃圾我諗大家都想樂壇繼續有好音樂

孟加拉效應

希望泳兒轉公司啦
十幾年都係英皇只借浪費青春


不過….
佢應該簽勁長約

眨下眼踎左十五年，已經三十有八，不過呢兩年叫做有啲起色，應該唔會走了。岩岩維基先知，容祖兒都只係大佢兩年。

其實佢以前一直比人話個唱腔好娘，再加上唔靚

頭幾隻碟主打唱極都係K歌慢歌，聽多幾首都悶啦，過咗上位比人留意嘅時期先轉曲風已經太遲。2010年左右鐘舒漫爆左給自己的信，英皇又簽左林欣彤，嗰陣focus已經唔喺佢度，再之後個樂壇已經完全委縮晒

早幾年行發燒碟路線其實幾好，佢個娘腔岩晒老一輩，唔知點解出出下又停左