dreyer's 雪糕越做越頹......

唔知佢地呢d咩諗法
咁怕咪自己整，一定唔甜

不嬲話個甜品唔甜係最好既稱讚

甜而不膩先係最好嘅稱讚吧

支持apollo

最正既開心果味都冇埋！

嗰2隻都好甜
覺得 movenpick 仲甜過 Häagen-Dazs

所以之前都係食開 dreyer’s


另外覺得呢隻抹茶雪糕都唔錯

係我7歲果年買左一枝雪條，從此改變我既一生
當我奶到最後一啖好失落時，
枝棍竟然仲多兩條，唔洗講即刻去換黎食


我食完第二枝，吊，又中兩條；
而第三枝，又仲兩條！結果我再去換四條番黎
當我食完第五枝後，唔洗講，又中兩條，
但我已食唔落了，果次係我人生第一次食唔落雪條


我拎番第6~8枝番去比屋企人食，果然每枝再分別各中兩條
如是者我已經可以再換16條番黎，人生果然充滿希望
但當我拎番去比屋企人食完後，呢16枝又再各中兩枝，
我手上渣住16條可兌換32枝既雪條棍，我開始感到到d驚


今次我換完拎番去比同學食，中伏！！
每枝又獎多兩枝，即係64枝，
點算？我已幾乎請過晒我識既人食雪條了！
於是我請埋隔黎班食，但冇喇冇喇，再獎128枝，
7歲既我，要一次過拎128枝雪條係何其吃力


就咁樣捱左半年，
我手上仲有20736枝可換41472枝雪條既雪條棍，
我快要崩潰了！
難道我餘下既半生都只能活係雪條中嗎！？


轉眼到我24歲果年，
我已類積左3487459498594498枝一兌二既雪條棍，
為左搵地方擺雪條，
我將同女友同居新買既家私全部當晒，
再用錢去買雪櫃黎裝，
然後每個月女友一出糧就叫佢比晒錢我買雪櫃去裝，
但真係冇辦法!!
我搵錢買雪櫃既速度遠遠追唔上食雪條中雪條既速度!!!!


終於，係我26歲生日果日，女友離我而去，
佢一句話都冇同我講，
因為佢個咀已食雪條食到硬化唔講得野。
我好對佢唔住，
但人生...我又可以點？


呢年我全個家族因為不停買雪櫃而破產，
我家族本來係中古時期既貴族後裔，
d錢洗十世都用唔晒，但竟然落得如廝田地，
而且我仲有8千幾兆既雪條未換。
部分擺唔入雪櫃既雪條開始溶化，
d雪水浸到上我心口，
我好凍，凍到失去知覺...
就咁樣一訓，唔知訓左幾多年。


我醒番時掰大眼見到個呀伯，佢話有辦法幫我，
我問點樣，佢就話只要將我手上既雪條棍賣晒比佢，
佢就會開一間雪條公司賣雪條，
等人買左後再拎雪條棍黎換，


比如10個人買左10條，
走番黎獎20條，佢就前後清左30條；
果廿條再獎四十條，佢再比，又清多八十條...
如是者向全世界輻射出去，最終就會解脫到


我恍然大悟，一路多謝佢一路→即走，
走左成百米遠後我回頭問佢係咩人，
佢答我係瑞士人，叫亨利內斯特萊。


雀巢公司，就係佢成立。

呢個真
重勁貴

呢間抹茶專門店更係正
都唔同價位

係咪調過價？
我記得有一段時間百佳賣$5x-60 特價先$100兩盒 又細又唔好食

以前好食啲 個盒又大又高 啲雪糕多到頂住個蓋

觀塘24惠康

Dreyer's新出果款士多啤梨脆皮雪條得個甜字
士多啤梨香精味都無

呢杯都唔洗$20蚊
唔貴 wor

更係覺得日文字既野唔會好食

曲奇仲好唔好食？

上次撞岩百佳甜筒特價去到先知
買到成個雪櫃空左
屌那星 下次有機會成打咁買走

佢個tiramisu好正

黃店Sogno Gelato
小伙兵團有得賣