網上裝修平台中招分享
1月想裝修一下間舊屋，於是就係某『依私』裝修平台搵全屋裝修，係佢地提供既3間公司，我最後揀左其中一間位於灣仔既『LUX XXXX』公司。因為佢地話自己可以3個月起貨（即係4月中），結果拖到5月6號，仲要係我地不停監工催促下先起到貨，去到收樓個日真係見識到咩叫只有更差。
1.天花板全部係波浪，我地仲以為係專登設計。
2.牆身油漆油到好多氣泡，又鞋手，6號收樓到16號已經有兩個位好明顯裂開，仲要由天花板裂到牆角。
3.我地做10樣傢俬10樣都有錯同蹦角，刮花，櫃門高低不平。
4.簡單裝個浴室寶，調轉裝同我地講無問題。
5.安裝整爛個坐廁，話係我地自己買個爛嘅坐廁。
6.腳線修口用乳膠修口。
7.大門話免費幫我地upgrade哦，結果整左個細過消防條例尺寸嘅門，同佢地講佢地仲話家居唔需要符合尺寸，堂堂一間裝修公司連咁基本野都唔識。
8.仲要離譜到部部冷氣機整爛個邊位同安裝唔穏，佢地話係安裝需要先整爛部機，結果前日部冷氣就跌佐落黎， 好彩無砸到人同D貓，屋外冷氣喉成3米長又係無固定到。
9.重新安裝鋁窗又無入紙申請，搞到我地分分鍾要重裝。
10.整唔見我地煤氣爐減壓器配件，我地要自己再買過。
11.地板瓷磚整污糟佐，而家點整都清潔唔到，我地專登買佐配瓷磚色嘅修口粉俾佢地，佢地整唔見佐，就用其他唔同色修口粉。
12.大部分櫃門鉸只係裝一粒螺絲。
13.佢地設計熱水爐裝係櫥櫃入邊，但係之後要維修就要成個櫃拆佐佢。
成間屋實在太多太多出錯，上面D只係一部分，燈制錯，櫃桶拉唔出，做出黎嘅同原本設計圖唔同又無通知我地......最最離譜係佢地態度極差，咩都推卸佐責任先，要我地搵曬證據佢地先話會修改，已經半個月喇，咩都無改過。
我地要佢地執佐的錯嘅地方先俾剩低嘅幾萬尾數，佢地堅持要俾全數先肯整，今日仲叫裝修師傅上門收數，呃裝修師傅話我地一分錢都未找，佢地都無得找，但其實我地已經找佐40幾萬，師傅上到黎問清楚後都話俾呢間『LUX XXXX』裝修公司呃佐，話會搵返佢地。
而家成間屋好多出錯，而且有好多錯位都好危險，我地要自己搵其他師傅來重新整過，我地已經斷佐舊租無辦法只能搬佐入去，好似天花板根本就無得整。希望大家認清呢間『LUX XXXX』無好似我地咁傻中計，而且個間所謂『依私』平台，根本就係廢，叫佢協調，佢只係不停叫我地俾佐尾數先，俾佐尾數就會整。
#黑店
#中伏
利申： 非事主本人，純分享
