原來n年前嘅AO係...

大家都知道好多高官（或者膠官）都係AO出身，到而家到而家都有好多人考AO。今日想同大家講下AO其前身－官學生。講住戰前嘅官學生先，因為官學生呢個topic好board，同埋AO呢個system變化好大。

官學生計劃始於1862年，由港督羅便臣爵士提出。乜嘢係官學生？點解有官學生呢個計劃？
官學生係透過公開考試（或者interview）而進入政府嘅公務員。佢哋會接受培訓，之後擔任唔同範疇嘅工作。

講到官學生嘅由來，就要講1850年代嘅高和爾事件。高和爾被指同華裔海盜黃墨洲互相勾結。佢個friend必列者士消晒啲數簿，消滅證據。寶寧之後設立調查委員會，但其實球員教練裁判都係自己人。鬧高和爾貪污嘅律政司晏士地被炒魷魚，佢返到英國之後寫信怒屌港府，驚動英國傳媒同埋國會。

後來寶寧退休，羅便臣接任港督。佢一上任就重啟聆訊、設立另一調查委員會，由他自己做主席。最後委員會宣告高和爾唔適合做公務員，炒佢魷魚。

除咗高和爾，果段時間啲官員，例如威廉堅（William Caine），全部劈炮唔撈。一時間班官員走晒，政府咪無識講廣東話嘅人？法庭搵咩人做傳譯？啲官員同華人咪雞同鴨講？於是羅便臣提出官學生計劃，香港政府每年向英國啲大學招聘學生，通過考核者可前往香港受訓3年，學習中文，的日常開支係由政府比。官學生完成訓練之後會派去政府任職，人工都幾高下。政府咁樣做係想高薪養廉，加上啲官學生後生，又接受過教育，道德水平應該有咁上下，稜角又未被社會磨平，令成個團隊更廉潔。
雖則政府嘅原意係培養interpreter，但係呢啲官學生接受過中國語言、文化教育，又係政府唔同部門任職，最後呢個計劃係培養咗熟悉咗中國文化，並且識得點樣同華人打交道嘅官員。

Lm

推比多D人睇

原來有段古 多謝分享

有咩書講晒以前d 港督

AO好似比較少人研究

https://www.facebook.com/media/set/?set=a.178097107036165&type=3

至於官學生嘅背景係點嘅呢？戰前嘅官學生都係英國白人嚟，去到戰後先有local官學生。佢哋成長係英國國力最勁嘅時期，經濟、文化都係世界最勁個堆。所以佢哋好pound of，呀唔係，係好proud of自己嘅國家，想為國家作出貢獻。
佢哋通常係中產階層，老豆通常係商人、律師、專業人士、神職人員，社會地位都好高。（蘇格蘭嚟嘅官學生背景就比較humble啲。）後期啲嘅官學生有啲係嚟自小康之家。
佢哋通常會入一啲私立學校或者公學，但係通常係次一級嘅學校。入九大公學嘅人反而唔係好多。（可能佢哋嘅economic-socio class未去到九大公學嘅standard）。佢哋係學校學習知識同埋價值觀，佢哋亦都玩好多唔同嘅運動，例如rowing，rugby，體操等等。呢啲運動培養到佢哋堅毅嘅精神、團隊精神、公平、respect對手、勇於開拓嘅精神等等，呢啲特質可以係佢哋日後嘅行為見到。
好似之前有巴打提及過嘅傅瑞憲。
https://www.thestandnews.com/society/%E9%A6%99%E6%B8%AF%E4%BF%9D%E8%A1%9B%E6%88%B0%E5%8B%B3%E7%AB%A0%E8%AA%AA%E6%95%85%E4%BA%8B-%E9%98%B2%E8%A1%9B%E5%8F%B8%E5%82%85%E7%91%9E%E6%86%B2-%E5%AF%A7%E6%AD%BB%E4%B8%8D%E5%B1%88/

佢哋中學畢業後通常會入古典大學，亦都有部份官學生會入現代啲嘅大學（例如liverpool呢啲紅磚大學）。係大學裡面佢地會讀文史哲、classics呢啲乞食科。亦都有官學生讀晒銀時、數學。呢啲科目可以培養高階邏輯思考能力、理解人類、以歷史作為施政嘅借鏡。而佢哋係大學亦都積極參與課外活動、例如debate（其中一位官學生Barclay Nihill曾經擔任過劍橋辯論社嘅主席），運動等等。呢啲活動可以擴闊佢哋嘅人脈、培養佢哋各方面嘅才能。雖然普遍嚟講官學生係學術上係屬於中上（大部分係2nd hon，約莫係而家嘅second up），但有啲官學生係學術上亦都好有成就，亦拎過好多獎學金同埋academic award。例如金文泰曾經係第一次的西洋古典學考試中取得一級榮譽，攞到愛爾蘭獎學金、克雷文獎學金同埋博登梵文獎學金。

有冇ACO研究

應該無你哋想知我都可以分享

呢本嘢好大中華史觀

推

係咪有黨學生？

cadet officer

Push

黨O
btw，官學生係1960年改為政務官