蘋果A1: 傑斯女兒離港前專訪 「希望我讀完書，可以畀返個老竇我！」

傑斯女兒CC終於上了飛機，到外地繼續學業。可以預見，仍然被還押在赤柱監獄的傑斯，未來這幾天眼淚肯定特別多。他寫信給家人朋友一再提及，失去自由的日子，思念最難捱。

我寫文想安慰傑斯：當你想起你的獨生寶貝女兒，比起哭，你更應該笑。

離港前數天，我問21歲剛剛港大畢業的CC怎麼形容她與爸爸傑斯的關係？她想也不用想就衝口而出：「朋友！」單單這兩個字，已經足以羨煞多少為人父母者，何況CC的答案充滿內涵：「佢似一個朋友多過似一個老竇！好多好秘密、好私人嘅嘢都可以同佢講，佢會好open咁同我傾，例如中學畢業我第一次拍拖，我就好想好想同佢講，終於同佢講咗，然後分享我嘅感受⋯⋯而佢真係可以同我保守秘密冇話畀媽咪知。」

CC笑得好甜：「佢好容易令我講所有秘密，佢會明，我哋好啱傾、好啱嘴形。」

普天之下有幾多個爸爸可以得到女兒如此讚語？ 有女若此，做爸爸的瞓着都會笑醒，傑斯你好幸運兼夾好厲害，讚！

https://hk.appledaily.com/local/20210520/3D4S2CEN4VFULAROC4E5XSCL5U/

嘆父親被捕令自己「被迫長大」

「好多人見我處理爸爸的事，都說我比他們想像中成熟，但我覺得我被迫長大。我好想過返半年前嘅生活，我好想過無憂無慮嘅21歲生活，但冇得揀。」她苦笑。

「喺荔枝角、赤柱探監每次都遇到好多人，好變態，點解我哋個社會好似個個嚟晒拘留所！大家為咗見嗰15分鐘，要等幾個鐘，然後聽到叫你個號碼即係終於輪到你見就好開心，成件事諗返好荒謬。我有時覺得探監好似拜山咁，覺得老竇好似死咗咁，要隔住塊玻璃見面就好似陰陽相隔⋯⋯希望我讀完書，老竇已經出返嚟，可以畀返個老竇我！有返個老竇，最幫到我，對我最重要⋯⋯」

出事以後，她自言看到了爸爸的另一面：「最估唔到佢咁易喊，佢以前成日笑！我都估唔到佢會信咗天主，而且好虔誠。佢以前唔信，佢話耶穌都係Sales，推銷政治。」CC上機之前，陳日君樞機也替她正式受洗了。

但最令CC感動的「另一面」是：「原來佢好多朋友，好多人願意幫佢，也願意幫我和媽媽。」但正如深厚的父女情不是天跌落來，朋友關係都是。CC深明朋友願意為爸爸兩脇插刀，就如一面鏡子映照了爸爸平日行事為人。「老竇自從入咗去，每日都有不同嘅人排隊探佢，好多人寫信畀佢⋯⋯」傑斯試過有日收到30多封信，同倉的囚友覺得不可思議。

這些點點滴滴，都令做女兒的為父親感恩、自豪。

又唔係無期徒刑，實出到嚟

希望你未讀完書支共已經亡國

鄭大班去咗邊？D100 個台係佢

點解仲要信主

有主香港唔會搞成咁啦

耶穌都要落黎見黑警啦

叫佢個女都唔好返嚟啦

傑斯比人拉果日 我就知香港進入黑暗