葵司
2017-07-11 20:35:18
新故類型都係愛情,生活,現實
唔會日日有文出
為左老母著想,唔敢開新POST住
係度出住先
[世界大戰] 終於比我溝到佢,但點解佢要係阿妓死忠
兩個都係英超球迷
男主角捧熱刺,女主角捧阿仙奴
如果故事發生係倫敦
應該未開始已經完結
發生係香港又會有咩事發生呢
我同佢係0係公司aunnal dinner度第一次見面
公司係做retail既
我係鋪面做sales狗,佢係office做merchandise
平時最多只會係公司電話聯絡下,都係傾公事
今日先第一次見到佢真人
估唔到佢係超級童顏樣,成個馬場BB咁(唔計身材)
"hello,原來你就係nicole呀,恭喜晒喎,抽到4獎"
"hello victor,估唔到你咁高大喎,你都唔差啦,抽到ipad"
咁岩得咁橋,我同佢分別抽到4同5獎,
跟住就4-10獎一齊係台上同老細影相
由於我同佢先後咁抽到,影相就好自然咁企埋一齊
"喂,victor你企外面啦,你高個過女同事咁多,張相點出呀"
影相既係同我同鋪既tommy,
平時好鍾意四周圍影相,
今次比佢申請左做大會攝影師仲有錢收真係岩晒佢
"你唔好介意,佢影相影到上左腦"
"唔緊要,咁你又真係幾高大既"
比tommy指揮完,我就同nicole調左位企,
者係咁 10 9 8 老細 7 6 4 5
影完相就順住樓梯落台,由於今年既dress code係晚宴
個個都著到好行,我就著普通做兄弟既西裝
nicole就著左條深藍色貼身連身裙,者係嬲屌裙,加埋對5吋高?鞋
搭埋佢個童顏樣,又真係幾養眼既
佢尾2落台,我跟住佢尾,
係後面見佢行得好唔自然,應該係新鞋同著唔慣
不出所料,落樓梯個時佢叉錯腳向前仆
好在我係後面一路留意住佢,即刻雙手捉番住佢手臂
"冇事丫麻"
"嚇死我啦,好在你拉住我咋,如果唔係實碌落去呀,早知就唔著新鞋啦"
"碌落去都唔知計唔計工傷,不如我扶你落去啦"
"哈哈,一陣去問下HR同事咪知囉,唔該你呀"