109歲(24歲)
2021-05-19 23:00:16
小弟三十歲...無拍過拖...本身鐘意打下機同玩單反...而家係順X速遞做速遞員...
我同佢係LIHKG識.. 傾左一個星期TG...佢同我講好想做我老婆呀..咁我地就係TG拍左兩日拖..就出嚟見面...嘻嘻..佢個樣Ok 呀.. 佢一見到我..就話好掛住我..同埋送左排dove朱古力俾我話係情人節禮物..之後佢同我去左夾公仔..夾左好多好多....差唔多夾左$2000 蚊...之後佢問我有乜情人節禮物送俾佢..我問佢想要乜..佢話想要iphone12...之後我就同佢出左部iphone12...重買左個鬼滅 case俾佢..佢好開心呀...之後去左食日本野..食左$1200....
尋晚真係好開心!我覺得佢好純情呀~佢全程都唔敢拖我隻手...佢同我講,情人節會帶埋我送俾佢果部iphone出來同我一齊玩自拍....我好開心好期待呀.....原來拍拖係呢d感覺..真係好 sweet....等我重係CARO山SELL左幾隻PS5 game諗住成個新年假係屋企收埋打..我尋晚返到屋企..上CARO山SELL同個賣家講 :我有拖拍啦..我唔需要你隻game啦..我唔會出來交收的了..之後果幾個賣家即刻俾劣評我..嘿..班死毒男真係呢...我果刻完全feel到佢地酸到出汁啦....我訓前打左俾佢..不過佢無聽電話...可能訓左..我sd左個tg俾佢,同佢講miss you;) good night...之後佢sd左個tg俾我話 : ok thx.....
嘻嘻嘻...雖然尋晚用左成份糧..不過ok la....拍拖緊係咁架啦....下次出嚟問埋佢個名同問佢幾歲先... 祝大家都搵到自己愛的人呀! 加油豬唷 ;)