生仔要考牌

成日話生仔要考牌，大家覺得一個合格既爸媽要點樣？

我分享先

佢地睇錢睇得好重，平日什少會主動問候關心（透明人），細個好多課外活動既錢都係自己用利是錢俾。之後大個d大專，就每個月1000，再之後有出黎做pt 就一蚊都無，自食其力。

Now 出黎ft，一直都有俾家用(但其實我覺得香港地自食其力養到自己已經好好，因為要為將來打算)，價值觀相差情況下我都有俾。但因為上一個月手頭有d緊，就skip左一個月。即刻比說話我聽，講到我一直都無交家用。其實2老都有返工。加上我仲要負擔細妹學費，疫情間呀媽酒店隔離的費用，疫情間買口罩防疫品之類很多我都沒有計較。但相反，呀媽就每樣都同我計較。我真覺得自己角色調轉左。因為一直以來我地既價值觀都差好遠，真係好想解決問題，但無奈講2句就會嘈。

我諗合格的父母至少應該凡事主要為子女著想？至少開心快樂健康比較重要，家庭應該係要互相支持，父母係避風港先係。
子女其實生活在港都好辛苦。不要忘記子女無權力選擇自己有無得出世。

唔知大家爸媽係咪又係咁？又或者大家覺得一對合格父母係怎樣？歡迎分享。
請理性討論，不要惡意攻擊。謝謝

你只係一件養兒防老既工具

一係做atm
一係走

討論結束

家庭問題 一律建議搬出嚟住

呢個我都好有同感

有諗過，但香港地...

睇錢好重要=自私自利，唔會關心人

好想死全家
快撚啲全家仆街死 比個痛快我

樓主，咁你覺得一個合格既仔女要點樣？

利申：
人夫人父
自覺愛妻兒仔女比愛自己多，但以連登標準可能係錯覺/要去考牌

深信：
仔女對父母嘅愛唔是老馮
父母對仔女都冇老馮嘅愛

同意仔女對父母既愛唔係老馮
但係父母對仔女都唔係老馮？
咁你生佢出黎做乜

如父母對仔女都無老馮的愛？咁借問點解要生個小朋友？小朋友出世一直都係被動，咩選擇權都沒有

生仔黎做乜？
你問一百個人可以有一百個答案
你問我係愛
你問原始人係生產力

神聖化生兒育女係近代先出現嘅現象

有人送野比你
你話尼樣嘢負累你一世
所以送比你嗰兩個人要愛鍚你一世

到大個識諗時（定係唔識諗時）
其實可以隨時唔要呢
有選擇架

父母冇錢又讀書唔多，但佢哋好開明好錫我，又會成日同我講人生道理

到我大個出嚟做嘢，我每次俾家用
呀媽都會塞返一半錢俾我

有時同佢哋講返工好受氣
爸爸都會叫我忍唔到就辭職，雖然佢冇錢但都仲養得我起


我愛我爸爸媽媽呀

好好呀

就skip左一個月。即刻比說話我聽，講到我一直都無交家用

你同佢養隻雞無分別

係㗎
當身邊朋友抱怨自己父母嘅時候
我可以好自豪咁講: 我屋企好窮, 但我有一個好愉快嘅童年

夫復何求