廢老無良業主 欺壓良心小店

業主玩得幾有藝術性，不過就好蝕章，
欠租還欠租，佢咁貼法如果變刑事毀壞就更大件事
你拍埋片見到邊個貼，就更好用黎反擊。

笑左 轉數快無上限都講得出 仲要咁肯定

好慘 推

多謝大家咁關心 我地係有同律師講過 佢係話暫時未有辦法 但我地都會同律師再傾下睇下仲有乜辦法

同埋我地唔係怕晒個業主 係仲未諗到方法點解決 試過報popo但佢地話業主授權就冇問題 個啲係可以叫'通告' 我地講埋整爛左招牌都唔撚理仲叫我地唔好話佢無良 咁樣隨時誹謗

我地都整左個banner話無良業主逆市加租 好快會掛

同我地聽日會再約律師開會傾

加油樓主！

我唔知你有冇親身上去搵過agent/業主傾，呢d嘢，影響到切身利益，你又簽咗死約，如果只係whatsapp打幾隻字，我做業主都唔理你啦。

好啦，你宜家開晒名咁係想達到咩效果？想人同你傾？定迫人同你傾？但你宜家已經label埋人哋“廢老”，咁你認為人哋仲有咩空間同你傾？

樓主上面提到係個業主潛水唔肯傾

真心覺得都唔似解決問題我係業主睬你都傻啦

我諗廢老係指隔離鋪條友？

Ching 閱讀理解U? 講明廢老無良唔係形容個業主咩 我都以為樓主話緊業主杜太係廢老

上面影嗰個女士係邊位呢？業主？樓主可以影到佢，都唔行埋去試下運氣？

樓主要明白，件事嘅大道理唔喺佢嗰邊，1係簽咗死約，係自願嘅，2係交租要準時，你有咩變化，例如可能遲一兩日，偶然一次突發，提早通知係基本，當然業主都可以唔接受，租約應該有條款govern，但如果一直做到準時交，又點解忽然唔可以呢？

出嚟做生意，你係要計定最差嘅情況，上面有巴打都有講，你勁賺係咪分紅俾業主？係難聽㗎，尤其你面對宜家個市道，但道理就係咁，冇得蝕錢就發爛渣。

佢梗係唔理，希望你交晒租期內既租啦

而家上面提出既係叫你自己睇返你份合約
如果份合約冇寫明解約點都要交晒合約期內既租/食左押金當毀約之類
咁咪再做決定

個業主做到咁盡 ，比我就唔會咁順攤交租啦 一於搬走由由撚得佢入稟咪咁撚易比佢搵到新租客就真

推推

首先個女人就係隔離鋪個負責人 相信一直都係佢貼大字報(雖然依家得2條片) 而佢一直唔認係業主/收租公司 只係話公司授權佢咁做 亦都冇俾佢地嘅聯絡方法我地 片段唔係我地拍 係有街坊行過見到拍俾我地 我地即刻去返鋪頭質問佢 就得到咁嘅回應

我地明白約係簽左 租係要交 就算要俾埋淨低啲租都唔係問題 (當然最好可以提前解約) 但最大問題係追租通告點解可以係叫隔離鋪幫手貼大字報 貼到成個門面都係? 律師都話間鋪租左俾我地都係屬於我地 即使業主都唔應該咁樣貼法 而且我地補交晒所有租都仲繼續貼? 點解收租公司一直唔出現 唔係當面同我地講?

我地都預左要交晒啲租 可唔可以提前解約已經唔係最大concern 我地依家最想嘅其實係可以逼到真正業主或者收租公司出黎解釋一下 (雖然佢地都唔大可能睇到呢個po 亦都想睇下有冇方法逼到佢地出黎) 點解可以咁做 而最大問題係我地聯絡唔到比隔離鋪頭或者杜太更高嘅聯絡人 佢地淨係一直話公司授權佢地咁做 簽約個陣收租公司就話有任何問題只需要聯絡杜太 公司自己冇留低任何聯絡方法俾我地 而問杜太點解可以點大字報佢又話返係公司授權

至於係咪真係可以提早解約 我地會再同律師仔細研究 多謝大家提出先

你簽約時究竟邊個係業主？有無見過？

攪到咁，最尾完約拎按金都有排玩。

簽死約，你可以只係得個業主電話，點聯絡agent都唔知，呢度係咪有d問題呀？

問心你出post最想要咩？真係個貼嘢嘅解釋？定係想減到租或者協議解約？

我係你就唔會出呢個post，你宜家似係封緊自己度門，你點都係下把位，擺個高姿態不利傾deal。

你或者諗下會唔會俾個offer業主，例如賠一筆錢提早完約，當係buy time等佢可以搵新租客，但the worst case係佢覺得唔會搵到人租，或嗌唔返宜家你俾個租金。

你都有份租約既copy架嘛拎份約比人睇

好黎好去唔得既 個業主係都要搞咁多小動作 又唔肯當面出黎傾

推

Cls業主
推

Ching 講得幾有道理 不過我未見過d咁仆街嘅業主 成個黑社會咁 樓主唔好彩

想多謝返有咁多人關注同俾意見我地先

我哋再睇返份合約 佢係有白紙黑字寫明唔可以提早退租
跟法律 份合約係咁寫 無錯 簽嘅時候 真係佢授權左俾人 冇收租公司嘅電話都照簽 你可以話我哋傻咗
當時無諗太多 只想開鋪 亦都無諗到原來個授權人乜都唔理

出po嘅目的係乜我諗可想而知
就係想要個公道
我哋亦都從來無講要唔要俾返租係一個問題
話我哋擺高姿態
我哋一開始已經低聲下氣求
根本你擺咩態度 佢都唔肯出嚟

係呀做生意有賺有蝕我哋當然知
我哋依家嬲同不甘心嘅位係一個自稱不是業主嘅人黑社會咁貼野
但其實明眼人都知係有關係
咁樣做無人奈得佢何 啱呀 佢跟合約呀嘛 但成件事又真係合埋咩?

如果你話跟合約 合約亦都有寫明任何事之後都可以有商有量 我哋自12月已經一直嘗試聯絡業主同收租公司 但佢哋一直都無同我哋傾過 到依家我哋只係想佢哋正面回應返大字報嘅事同隔離鋪嘅關係 但一直都無出過聲 連其他聯絡方式都無

好心底咁講
要做業主 你做到咁盡 係想我哋俾唔起咁嘔住俾你定乜？
我哋又絕對唔介意幫你搵過個客
我哋簽咗約就講都無得講
你咁樣同逼我哋上絕路有咩分別？
仲要係我哋頭上動刀
係咪向全世界宣揚你最想趕盡殺絕

我諗我哋依家死唔斷氣咁
但就算簽咗咁不利嘅租約 我哋無理由硬食依家嘅大字報追租嘛？ 個陣仆左一次街 就呢世都唔企得起身？