有無人試過突然大細眼？

兩個月前無啦啦發現自己大細眼
左眼大左仲凸凸地，右眼眼皮成日dup落嚟
去照過ct，個腦又無事
針灸左幾次又好返好多
呢家排緊期睇眼科

好驚以後都係咁，有冇巴絲試過類似情況

重症肌無力
甲狀腺眼病
事但揀一樣

利申：9up

唔記得講驗過血，無甲狀腺問題
照過個腦ct又話無問題

重症肌無力，自體免疫疾病

醫生話你眼凸定自己覺得眼凸？

醫生話眼凸，同埋眼珠唔對稱

針灸完之後右眼無dup，但係左眼都仲係凸凸地

有時 Grave's disease 可以有正常 thyroid hormone level。覺得唔似 typical myasthenia gravis。

姐係可以甲狀腺無事但係都有眼凸既問題？

針疚係可以改善眼皮下垂，但只係治標
如果真係重症肌無力的話，食d增強免疫力既野例如人蔘，會令症狀變嚴重。
診斷呢個病有特殊項目可以驗，你參考下

我認知係。有無做過orbital CT/MRI? 睇野有無重影？
最好請找專科醫生意見啦。

真心求解，點解咁多人回重症肌無力症？ 樓主有凸眼

港台套醫生與你好似都係咁講
話追蹤返甲狀腺眼的人
好多過幾年之後都會有甲狀腺問題

因為同時有眼皮下垂

照左ct話無野，睇野正常無重影無模

因為有時影響orbit 先過thyroid gland

我試過，因為成日蹺腳坐

眼皮下垂可以好多因素。可以third nerve 出問題 （大大鑊 pancost tumor)，可以muscular 等等。但凸眼呢個sign 應該係重點

大家都係9up下姐
有病睇醫生啦

orbital CT 好似唔同brain CT

幫人幫到幾多得幾多。如果醫生係全能全知我就唔駛咁慘。

好多謝大家關心，一次過回應曬大家先

3月13號飲左好多酒，隻眼可以轉得好快（身邊嘅人同我講返）

3月17發現左眼大左，係上眼皮縮左，露曬眼白；右眼dup dup地，兩邊瞳孔唔對稱

3月18又無事，以為熱氣上眼無理到

到3月底發覺keep住咁，試過有次放工去睇戲，到戲院女朋友話我右眼係dup得好緊要，要好用力先擘得開，但睇完套戲又無事

去到呢一刻，我既情況係左眼凸凸地，上眼皮縮左上去咁；右眼係時dup時唔dup，feel到有時唔好控制到擘唔擘得開

之後3月底去左第一次針灸，針右眼先，針完右眼就可以輕鬆擘大，去到今日都未dup過

之後第二三次都係針左眼，但無咩成效

直至上星期去睇醫生，佢寫信叫我去急症室照ct 睇下係咪中風同驗血睇下有無甲狀腺問題，兩樣都無事

我上網見有人同我情況一樣話係鼻竇炎問題，我買左枝野洗鼻，唔知關唔關事，呢一個星期左眼眼凸有明顯改善，但都仲係凸凸地

我視力無問題，有時會有少少偏頭痛同鼻痛，對眼無整親過，無手震

因為我好後生，見到咁真係好驚，更加驚呢世人個樣都keep住咁，好多謝咁多位巴打關心，黎緊會去睇眼科，希望搵到咩原因

補充返，個樣有變，但身體機能，視力個d暫時唔覺有咩問題

係咪甲狀腺問題