其實生存真係好攰

想，不過條女唔去

我明呢種坐監感受

大不了咪自己一個人
感情嘅話更加係時間會沖淡
幾年後回望呢一刻已經會冇哂感覺
甚或你到時已經搵到個好好嘅人
人生有翻天覆地轉變了
加油撐落去啦絲打

我都好攰

之前成日睇外國啲人自己喺森林起木屋嗰啲片
最長嗰個人都係用咗一年就由平地起好咗佢自己間屋
但係喺香港一係租屋 個個月要keep住返工先有地方住 一係就用幾十年時間嚟供層樓
其實真係覺得好反智 動物都唔會花咁多時間去搵一個居所 點解我地香港人要浪費我地嘅生命同才能去為咗一個最簡單最基本嘅需要

其實唔結婚就唔洗煩呢啲野 可以自己去外國森林慢慢玩

成個世界都係咁 隔離台灣都一樣 得個錢字
個個一日到黑 個腦只係諗點樣賺多d錢 股票升定跌
將錢睇得比條命更加重要

成個人生就係比工作同錢 綁手綁腳 毫無自由

反而覺得台灣無咁睇重錢，又有台積電發展科技之類。香港就算啦，最鍾意返工。遲下同大陸人應該無分別，為左搵錢都無乜道德可言。

宜家已經係，大埔間偽日本野就係好例子

好似太多無力感，好難有動力去撐。

我睇台灣d直播
同埋佢地既IG 講緊既野
話題都離唔開錢字
不過台灣大咁多 唔鍾意台北 又可以去台中台南散心
點似香港 只係一個大監獄

香港只係一個精神病院，台灣點都好過香港。至少人地唔鍾意城市有鄉下可以返，整休閒農業水果整民宿過田園生活。香港真係一個高密度行街逼到無位企，地少人多連食飯都要搭枱既壓抑地方。

我覺得其實生命本來就係虛無，
其實出生或死亡本來都係虛無。我唔知應該點樣樂觀，賦予自己生命既意義。其實可以講全部都，全部都無意義本來無一物。所有牽絆或者連結，全部都係人自己創造出黎。

lm

冇伴侶既人，就比較人地有伴侶有幾幸福
呢一點不用多提，都講到厭。

有伴侶既，又會比較朋友既伴侶比自己好
當你係男人，就會諗到兄弟條女比自己條女條件好
點解人地溝到條高質d既，而自己拖出黎既又比下去呢？
諗深一層，其實係自己問題，自己比唔上兄弟
自然唔會好似人地咁溝到條好d既女。
當然，你未必會咁人渣，去到嫌棄自己女朋友既地步
但就一定嫌棄左自己先，覺得自己比唔上人。
女人倒返轉都係一樣原理，好姐妹男友好條件d。

到佢散左，佢未必沉魚落雁或者高大威猛
至少生得比你好
你發現自己一係冇仔冇女，咁慘既情況無須多談
好彩d既話，就只得一個唔岩你既人
唔一定講樣，可能係指性格興趣話題，而你就冇得選擇
而生得比你好樣既身邊朋友呢
女既就收兵，男既就慢慢揀到30歲都唔遲
佢地大把選擇，你就只有有同冇之間既抉擇。
甚至，Sorry，你根本揀都冇得揀。


成班人約出黎講返工或者讀書
總有朋友撈得好過你，可能有人脈家底
可能係佢性格比你外向，可能佢行運一條龍。
讀書更加唔駛講，中學個陣可能成班人一齊溫，成績不相上下
結果放榜佢好彩考入三大甚至神科，自己即刻同人有距離。

又或者係當日係你算唔錯，入到大學
點知考得比你差既朋友，靠父幹浸完咸水返黎
明明當日廢過你，依家條路比你仲好景
仲享受曬外國讀書既生活，就算你用幾個月exchange得到既都未必及人一半。


「其實講到尾，做人就係唔好計較咁多」
呢d廢話邊個唔識講呀，知易行難呀嘛
未必話會計較到你無法生活，情緒困擾咁嚴重
但內心或多或少，都係會有種自己比下去既感覺。

記得之前有巴打講過一句話，我好同意
「如果肯甘心輸既話，我人生就會幸福快樂好多。」
但其實人愈大，投入社會，考試準則都已經唔再存在
結果你既準則，就係不停去同人比較自己，証明自己係叻仔既。

更可悲既係，當你有少少值得幸福快樂既事
就可能已經急不及待周圍同人講，或者擺上網，做偽現充
想話比人知自己過得好，令自己心入面有一絲優越感
其實人地未必care，未必睇，但都唔重要
重要既係，你咁做完，你就會自我感覺良好d。

當然，將自己同人比，未必嚴重會困擾你生活
但其實，如果可以做到唔同人比既話
相信一定會快樂得多。

共勉之。

你係垃圾
你喊啦 喊飽佢
但過後你要接受自己
改變自己
搵自己中意嘅事物，我相信肯定存在

我有睇過呢篇文，無去同其他人比較。我既問題係得到過，又再次失去左。覺得自己無用，好多事返唔到轉頭。

世界上總要有我呢種廢人，但好難搵到仲鍾意既事物。

你係咪攞自己同人比呀？
你睇下印度啲人咩環境就會覺得你身邊好多事物好美好值得珍惜架啦
簡單到一餐燒肉都可以係種確幸
上網又大把人陪你吹水
堅強啲過左去之後睇返就係小事
重點係你肯定可以作出改變
爭在你行唔行出嗰步

我知道自己比起個啲天生殘疾既，或者天生心臟病既已經幸福得多。我唔會拎自己黎同人比較，我只係覺得好多事做錯哂，我返唔到轉頭，望向未來更難。

same
所以真係要把握現在，呢一秒
唔係講咁簡單