Netflix(莫測高深一女) 女主角係米不死生.....

唔認同中間nanno其實俾咗幾次選擇佢
佢都係要揀條錯嘅路嚟行，仲越行越錯
特別係最尾果棍係佢本人打落去、係佢自己揀嘅路嚟
你唔可以怪當初恰你果班人架喎
你自己俾惡魔恰完，然後自己變成惡魔恰無辜嘅人係講唔通一係你就變惡魔恰返當初恰你嘅人啫

Agger，一個全知全能嘅主角，控制同影響緊太多嘢，唔係由班普通人自己演變出嚟嘅人性黑暗，呢一點應該係呢套劇失色嘅地方

所以我話以黑食黑咁嘅角度拍係冇問題，但nanno係報應嘅化身，成件事就變得奇怪，如果刪咗佢以前比人恰嘅情節，成件事就合理曬。階之前嘅集數，印象中全部都係加害者，但階係加害者，同時又係被加害者嘅身分。

另外，nanno本意究竟係咪想導人向善，就呢一集嚟講係有啲模糊，你話佢比咗幾次機會階，想佢揀翻條啱嘅路，的確係想導翻佢向善，但係佢後面引導咗一班人(階後來嘅同學)步向邪惡，咁如果佢係報應嘅化身，佢又點處置呢班同學？(聯想埋s1最後嗰集)

我嘅意思係，如果你用階vs nanno咁睇，係冇問題，但抽翻出大局咁諗，故事帶出嘅訊息同概念係好矛盾

補充多少少，如果唔可以怪當初恰你果班人(加害者)
但可以怪階(加害者+被害者)
一樣係講唔通

其實無矛盾
Nanno由一開始已經唔係咩報應嘅化身 佢一直都係導人向惡
由第一季開始已經係 中間可能會俾下機會你回頭 如果你唔回嘅就要受返個惡果

Nanno係乜嘢，喺劇入面冇明確咁講過，但係以佢嘅做法嚟睇，都離不開惡魔，報應呢啲嘅設定，我話佢係報應嘅化身，就係因為佢懲罰啲惡人，你都識講，唔回嘅就要受翻個「惡果」，就係因果報應嘅意思。

我諗呢個位都係呢套劇嘅美中不足，以你嘅講法，如果nanno一直導人向惡，咁點解佢要比機會人？同埋好老實講，以nanno嘅人設，佢比機會人哋，就算人哋當刻揀啱一次，佢都會不停咁再誤導佢哋。而且佢控制同影響緊嘅嘢太多，仲要佢全知全能咁制，令套劇嘅人性黑暗位嚟得唔夠自然。

可能唔同導演拍出嚟嘅效果，所以會有咁嘅感覺。

第一季未睇晒，但已經覺得越後越鳩，校園殺手個集好人死左，壞人冇惡果，謝謝老師個集仲鳩，個尾提都廢事提

只有第一集同八集好睇

同意
但大家都仲吹奏緊
不過d女真係幾正

校園殺手係邊集
係咪第一季第九集?個集印象中好似無好人死到喎
係有個仆街臨尾死咗係廁所但唔知邊個殺
定唔係我諗緊個集

講導人向惡好似誇張咗少少
但佢一直都係引誘人將內心嘅陰暗嘢放到最大同實行 直到最後有報應
好似抄人畫條女咁 如果無nanno佢根本唔會行出呢第一步
至於你話點解佢會俾機會人 其實感覺佢都係想睇下啲人會點樣做選擇
至於如果啲人揀啱一次嘅nanno會唔會再引誘佢地真係無人知 因為根本無人試過回頭

講佢導入向惡已經係好唔誇張啦喎，佢一直導人做壞事，而且比曬方法，教曬點做，一步一步帶佢入黑暗。就好似抄畫條女，你都識講，冇nanno佢根本唔會走到呢步，nanno先導咗佢個fd，令佢產生妒忌，然後再教曬佢點做。Jenny有提出過放棄個計劃㗎，但nanno唔比喎，表面上好似係比佢哋自己揀，但實際上都係由nanno決定。

睇哂 好想睇第三季

yuri 剩係識復仇偏激既魔鬼

其實小偷個集，點解會有呢集出現?
nano本身唔係就係懲罰一d做錯事既人咩，點解突然間會幫人又好似fall in love咁

個集我覺得係最正最有feel
其他某幾集其實有d悶

其實唔知點解nanno會比佢復活，唔合理
如果第三季無nanno唔睇了，來來去去都係個d套路，開始悶

唔知係咪想帶出人都有善良嘅一面
推進之後嘅戲情？
因為nanno之後都開始動搖

利申 鳩估

第二季冇第一季咁好睇
玩多左血腥嘔心
但又少左第一季個種劇情上既變態
不過第二季整體都唔差,睇得幾開心
Yuri
加左佢令Nanno唔係第一季咁做咩都成功呢個變化幾好
而且Yuri成套嘢最靚

Yuri個演員好似2020年生腦瘤，而家治療緊，真係唔知仲拍唔拍到

真係幾好睇

係偽善姐 邊會善良 睇下同學會果集

真 cls