醫保 加保費問題

聽講各公司自願醫保計劃下嘅plan，包括標準，靈活，甚至係啲大額嘅plan不論你有冇claim過都唔會加你保費，保費調整只會因為年齡改變同醫療通漲而加價。例如今年嘅保費表入面30歲嘅保費係6000蚊，31歲係6200蚊，咁到到下年suppose你會跌入31歲個bracket而要畀6200蚊，不過因為通漲等因素expect佢個保費表可能adjust to 6400蚊左右。就算今年你30歲交咗6000蚊保費生cancer claim咗廿萬，你下年嘅保費都仲只會係6400蚊，我嘅理解正唔正確？

咁對於非自願醫保計劃吓嘅舊式醫療保險又係咪咁玩法？定係同一情況下你claim咗廿萬，下年你嘅保費就唔會係六千幾蚊而可能爆升上去兩三萬蚊兼且加不受保項目

如果係咁的話其實舊式醫保係咪可以淘汰，轉晒自願醫保？

新舊醫保每年都會加
6，70歲每年加勁多

我建議你睇睇個每年收費表先

搵唔到historical嘅data
是但攞咗一間黎睇
30歲31歲嘅difference係1.5%，我assume通漲3%同，下年個保費係咪都keep住係$4907 + 3%？就算我今年生癌claim幾十萬都唔會加我extra保費？

每年醫保保費你遇係加8-14%啦

冇錯， 係遠高於通漲
邊個叫香港私人醫療係搶錢

咁個整體咁大，除非今年因為某啲原因大家都claim多咗，咁先會令到各policyholder下年都要交多啲保費

又或者我claim條數大到impact咗成盤數，否則有冇claim過都唔會影響成盤數

簡單黎講即係有需要claim就claim，不論新既自願醫保定係舊嘅醫保都係唔會因為我嘅索償而直接加我保費啦

有升得咁勁咩
有無一間公司過去兩三年嘅保費表可以攞嚟參考下個uptrend

巴打意思係每三年成個保費表所有人都加e.g. 10%？
即係依然唔係跟你個人索償歷史嚟調整保費

你自己咪講左唔會因為你既claims而加價
自願高端醫保加價原因只得兩樣 醫療通漲
保費表出左新既就跟番果個價對埋年齡
冇出新既保費表就睇番原本果張既年齡
-完-

明白
但係舊式嘅醫療保險係咪都係呢個做法？舊式嘅保險冇咁透明，啲保費無得一個表咁樣check

舊式份份都唔同
以前無監管 保險公司係有權覺得你某部位好高風險(例如claim左好多次)
佢可以係之後既保單年度不保或者加價
但新式既高端醫療 有政府監管 有寫明醫療保險呢d產品既大框架
例如終身續保 保障因合理原因而未察覺既疾病 甚至以前買左都要等30日 而家最新出既連30日等候期都冇

而家冇人會買舊式架啦
大事保唔足(cancer)
小事講緊十萬八萬 團體醫療+高端醫療咪一樣cover到
保費又唔差得遠
重點係醫療保險你claim過會有record
買左舊式 claim完想轉新式一樣要重新核保(有機會不保/加價)
咁點解唔直接買新式 大事小事都保到足 又住到單人房

因為屋企人早幾年買咗份人壽儲蓄+舊式醫療，份儲蓄嘅回報應該夠cover份醫療嘅premium，家陣有自願醫保咪睇吓好唔好cut咗份醫療轉過去新既自願醫保

如果舊式醫保唔會因為claim過而大加保費或者拒保咁就好似冇咩必要轉

不如你諗下要成份總額年年review ,定每個傷病年年review 實際啲

睇你舊式醫療quota幾多
有d細既真係得十幾廿萬quota
仲要每樣住院同你計
同埋醫療唔會review保額 而家你覺得夠姐
十年後 廿年後呢 醫療通漲講緊每年6~8%
72法則話你知十年醫療費就翻一倍
高端醫療通常揀個有墊底費既(配合group medical)
一樣小事唔洗比墊底 但大事包到足
而且對番保費同舊式唔差得好多
終生幾千萬quota 就係令你以後無後顧之憂
而家睇落好多 醫cancer都係一球左右
但十年後廿年後有新技術新藥物再加通漲
仲係唔係一球搞得掂
意見係咁多 你自己點揀就你決定

講真保險肯定越出越好，新plan點都好過舊plan，cover多啲野，可以買到新plan既都會想轉（假設無任何cost），但現實你要睇下自己身體狀況可唔可以買到新plan先好cut舊plan，好多時唔係自己買想就可以買到。

至於你講保費既問題，所有個人醫療保險都係跟年齡/整體醫療通脹而加保費。而公司既團體醫保先會睇過去一年claim左幾多而有調整保費。公司如果覺得加價貴既有機會會轉公司醫保公司，咁到時公司醫保既一啲保障又要重新計過等候期或者其他野，對自己claim公司醫保既時候都會有影響。