現時尿兜設計真係好落後

我發現最近有個趨勢，ｄ男仔好多時都鍾意走入廁格疴尿 我覺得呢個風氣好差。咁樣做唔單止唔衛生（容易淝濕個廁板），最重要既系，喪失左男性既尊嚴 做男人既，疴尿一定要響尿兜疴，你一入廁格，就表示你系懦夫

從古到今，疴尿都系男人之間既較量 如果你同朋友一齊落bar，坐坐下佢突然同你講︰「疴番篤尿先。」 佢其實響度挑釁緊你 系呢個時候，如果你答︰「我又去。」 即系接受佢既挑戰 但系如果你唔出聲，又或者話︰「我都唔急。」 你就即系認輸，今晚個場d女，你無資格溝

唔駛講，入到廁所，梗系唔可以入廁格疴 入廁格疴尿，一世都抬唔起頭做人 有自信既，應該揀最出果個尿兜，至於邊個為之最出，要視乎個別廁所既格局 我去過最正既場，一開門就會見到個尿兜，而且個女廁系正男廁隔離，成班囡囡響出面排隊去廁所，一有人開門入黎，系最出個尿兜疴緊尿既人就會俾出面d人見到哂 系得呢個尿兜疴尿既，都系男人中既男人

不過家陣已經好少呢d場，依家d廁所唔知做乜，硬系要響尿兜同尿兜之間加塊野遮住，一下唔留神真系以為入錯左女廁 有次我個鬼佬朋友黎香港，一見到我地d廁所咁既格局，就冷笑左一聲 我知佢個心一定系諗緊「東亞病夫」四個字，我覺得好羞恥 果晚我含淚寫左封信去康文署，要求佢移除公廁入面果塊死人板 其實一個「真正既男廁」，尿兜同尿兜之間果塊板根本就唔應該存在 入得黎疴尿既，就預左要同人較量，疴尿疴到遮遮掩掩，不如鴨尿片算喇