既然上次討論過影帝，今次就想同大家分享一套全男班既經典香港電影：《鎗火》
杜琪峯作品。杜sir今次用左19日，最短既時間，最低既預算進行戰鬥式拍攝，將飢餓精神發揮到極致。 出色既場面調度，絕佳既暴力美學為杜琪峯帶來首座金像獎最佳導演寶座，亦為吳鎮宇拿下金馬影帝。
《鎗火》，片如其名：鎗。《鎗火》劇情簡單直接（不戲透，以免令未睇過既朋友減低觀賞度），鎗戰場面就係本片最大特色。杜sir精心佈局既鎗戰場面，令觀眾走入杜氏電影世界。 簡約既對白，五個大男人之間既眼神，面部表情，勝過千言萬語。
杜sir 係荃灣廣場反高潮地拍左一幕長達5分鐘既鎗戰，如果眼高手低者會拍到變做拖。但杜sir 卻善用依5分鐘營造懾人既氛圍，刻劃各角色既性格，描寫兄弟間既默契建立過程，令本來需要用1個鐘講既野用5分鐘拍完，搖身一變成為簡潔，如此功力實在令人歎為觀止。
總結而言，《鎗火》係一部非常出色既香港本土電影，對白不多，但一切盡在不言中。畫面靜中帶動，多次在長時間靜止時突然轉為激戰，爆炸力十足，顛覆左固有既拍攝鎗戰/黑社會片公式。 演員選配得宜亦令《鎗火》昇華。
即使《鎗火》為1999年既作品，但對年青既90後，00後，本片絕對不落俗套，值得細味。
而家拆哂
