屌你，居屋可以自由市場買賣絕對係擾亂房屋市場

金滙地產分行經理梁永基表示，新近分行錄得促成橫頭磡富強苑(自由市場)買賣成交，上述物業為E座高層4室，3房2廳間隔，座東南西北景觀開揚，建築面積825呎，實用面積645呎，日前以1100萬元易手，實用呎價約17,054元。
原業主於1995年(未補地價)買入，當時購入價146萬，業主持貨26年，帳面獲利954萬，物業期內升值6.5倍。

http://www.gamway.com.hk/trannews.php?sno=2341

係咪癡撚線，你炒到連居屋都破千，私樓有咩可能唔爆升

報紙佬話第4季美國縮表，有冇影響？

成個市場就講供求，但居屋作為政府對房屋調節機制既工具，竟然可以參與埋一份，居屋退出機制好撚大問題

講左好多年喇，華爾街縮小小就鬼殺咁吵

如果所有2手居屋唔俾賣, 供應就更少, 到時樓價....

$1100萬係未補地價？唔係佢唔講補埋地價幾多？

咁即係居屋為私樓抬轎，供應短期不足，等私樓癲到大家都唔參與，居屋只准綠表同埋政府要封頂回收

不如查下買家點解平均月薪29,000以內可以買954萬樓

你已補居屋比周邊私樓起碼要低3到4成先合理，有咩理由有售出限制仲同私樓自由買賣差唔多價

香港樓市絕對係政府帶頭玩爛

條數吹大咗，用未補地價黎計獲利，中間佢補地價啲錢掉咗落海？
1995年啲樓只要係屋苑樓保養得咁上下都有呢個價，而且橫頭磡1995根本就係爛地，到而家勉強叫鑽石山旁邊有黨鐵直落港島，長揸26年拎呢個價差唔多啦

居屋買賣唔係最大問題，居屋量先係最大問題啲屋少到咁再點加限制都影響唔到主流樓市

我依家唔講補唔補地價，補左同未補過千萬居屋都合理？

1995年 一個茶記午餐 25蚊 樓價 146萬 (未補地價)
2021年 一個茶記午餐 50蚊 樓價 1100萬

後生既人要白手興家草錢買樓

你個概念有少少傾向公屋，同居屋嘅概念有少少唔同。居屋本身有得補地價就係因為想比居屋住戶賣咗棟樓出去買私樓

原本公屋比草根，居屋比中產，等中產平價買樓，到有錢就拎賣居屋嘅錢再補錢出去買私樓。所以新嘅中產買嘅就唔係補地價居屋，而係新起嘅居屋

同埋你係咪唔知咩叫補地價，呢棟樓個地價如果佢呢兩年先補隨時要三四百萬中間仲要長揸廿幾年
咁鳩大個因素點可以講唔講補唔補地價


居屋問題唔係居屋走入私樓市場，而係因為發展商一直施壓唔準起多公屋居屋，令到居屋數量一直唔夠，所以市場價唯一受私樓影響先會一路向高走，無得向下壓。居屋變到六合彩咁抽中先有得發達

咁你都講得出個問題係邊喇。補地價要三四百萬同要六合彩式抽居屋就已經係問題喇

依家某程度上就係置業階梯既出現令到居屋變相有好大誘因有溢價存在，推冧居屋價格會令真正住屋需求既人繼續住，而唔會令一班假需求既人參與炒賣，將居屋樓價壓返落正常水平，依家變相用公帑資助炒賣，老實講用percentage黎講，居屋收益遠高於私人市場，同埋風險又低於私人市場。