跟銀行假就冇得補假？

借朋友ac一用

是咁的！我係一個禮拜放1日假，放星期六唔係放星期日
咁啱撞正5月1日係星期六，咁我上網見勞工法例話如果休息日撞正公眾假期就應該要補假俾員工，咁我就問公司係咪會補假俾我啦！

我 公司

: 因為我一個禮拜係放一日，咁星期六應該算係我嘅例假，咁啱撞正5月1日，公司係咪應該補假俾我？

: 我地放嘅係銀行假，有17日假期俾你，唔係放勞工假，我上勞工處網站見到勞工假係法定假先有得補，你咁樣係冇得補假俾你，如果你有得補假，咁我放星六，日嘅員工咪全部都可以補多日假囉

: 但我見月曆上星期日撞到公眾假期都有得補假，咁我星期日要返工，唔係應該當我星期六放假係星期日咁補返日俾我咩？

: 月曆上寫嘅係補假係政府俾你，唔慣我地公司事

: 如果咁計，萬一返shift嘅員工，佢一星期放得1日，咁老闆將佢嘅休息日全部放係紅日到，咁果位員工咪一世都冇得補假囉(咁銀行假咪即係廢)

: 係㗎，總之放銀行假就得補，勞工假先得，你係咪想改做放勞工假？咁我就可以補俾你

打俾勞工處電話冇人聽，想聽下各位意見係點，依家覺得好無助，係咪真係冇得補假

如果法定假日適逢僱員的休息日，僱主是否須要另外補假？
須要。如法定假日適逢僱員的休息日，僱主應於休息日翌日補假。該補假須並非法定假日，另定假日，代替假日或休息日的日子。

https://www.labour.gov.hk/tc/faq/cap57f_whole.htm

俾條link老細叫佢收皮

咁小家 搵定下一份啦

樓主6天工作? 好辛苦

我有咁俾公司啲人睇
佢話我放嘅係叫做銀行假，並非勞工假，勞工假先係法定假期有得補，銀行假就唔會有得補，佢仲話如果我真係要補假就不如跟勞工假咁放，以後就少5日假咁

係呀，鬼叫我低學歷

大鳩你公司咪佢做乜鳩啦
如果放假個日撞正紅日要補假架

我都係照依個邏輯咁講，佢話月曆上個啲補假係政府補俾你，唔關公司事，你依家放嘅係星期六，唔係乜乜紅日！仲話如果我有得補咁佢地都應該要有得補假，但佢地係一個禮拜放2日，我先得果一日假

答返佢乜野叫政府補比我啦
講咁多不如勞工處見同個官咁講囉 同你一次過計埋舊數
我以前做pt都係咁逼我間公司跟返418

問返佢5月1日個日係屬於銀行假定勞工假
總之做唔足法例嘅要求就算有100日年假都係犯法

我有同佢講話銀行假入面12日應該係法定假期，佢答我銀行假係銀行假，勞工假係勞工假，2回事

有一刻我仲懷疑自己係咪唔正常，好多謝有你地解答我疑慮

放返兩日病假

寫封 email 去勞工處咪得囉

返銀行放星期六日
銀行都唔會因為五一係星期六補返比你

不過我真係唔知你果個點計

不如你搵公司Hr講啦

如果睇呢個case,又好似公司唔會犯法

但呢個變左係公司是否公平既問題，因為你既假期比其他shift ge同事少

西工轉工啦

你同佢講勞工處見啦
成班on9，法例邊有銀行假呢樣嘢

咁樓主你決定硬食定勞工處見
呢啲閪工唔可以俾面架喎

我公司話補半日
我都唔知佢點計半日

休息日有冇imply行roster