脊醫/物理治療師入

想提醒大家一樣野
脊醫其實係無醫生牌 係唔知邊個改到個名咁似醫生
市面上好多聲稱咩改善脊柱側彎既按摩 針灸 機器
其實係無臨床證明佢地成效
而香港係脊柱側彎治療市場完全無監管
甚至見到好多脊醫都焗人買package 下下萬萬聲
最後做完結果無改善 亦浪費金錢 時間

過來人身份提醒大家
如果有40度或以上就其實已經屬於嚴重
好多時都要做手術 除非脊椎已經完全停止惡化
但每年都要定期檢查 睇下有無惡化

不論發育完成或者未發育完都好
都記得去睇註冊骨科醫生 千萬唔好睇脊醫！
同埋唔好拖 唔好再搵其他方法去解決
快D檢查 搵醫生物理治療師控制側彎 把握黃金時間

如果你已經發育完成 又20-30度左右就咩方法隨你啦
勤力D做運動
但如果屬於嚴重脊柱側彎真心不要拖！！
否則就會好似我咁
本身50度 周圍亂搵坊間聲稱治療到呢個病既野
結果越搞越衰 最後惡化到7X度就做手術
好後悔無早D做 如果唔係效果更加靚

講咁多都係想幫大家，有咩問題就歡迎留tg。


（利申：真脊柱側彎康復者 已經做左手術 宜家條腰直翻曬得翻10度內）