是咁的，我開咗個Minecraft圍爐server

https://geysermc.org
FYR不過有啲plugin好似用唔到

死左嘅話inventory啲嘢會唔會跌出嚟 係其他ser成日比溶岩燒死 掘左大半日嘅礦就咁一鋪清袋

唔會掉

LM 好耐冇玩 以前個mojang ac點搞都轉唔到嚟新版 買個新嘅算

下界終界會跌 主世界唔會 有時新地圖未較好都會跌
Ser主成日講野講一半

跟手推

資源區唔比入嘅

劍

有冇得玩地上繪嗰啲

有呀 已經有幾副啦😂

是咁的 初初係無聊上連登嗰陣誤打誤撞發現咗呢個post 見讀書讀到悶就諗住玩下
點知一玩就沉迷咗落去

呢個ser真係好正好多嘢玩 入面裝咗勁多plugin可以玩 特別係mcmmo啱晒啲鐘意adventure嘅人
如果只係想輕鬆玩嘅話可以選擇休閒生存 養下老 起下嘢又得 入面有好多建築高手起咗啲勁靚嘅buildings

一個人無聊嗰陣又可以入嚟同其他人一齊吹下水又得

而且ser入面啲人又nice好友善
你有咩需要出句聲大家都會肯幫你

Admin又會不定時搞下啲活動俾大家一齊玩
而且admin又會持續update嗰server 所以唔使驚太lag嘅情況會發生
同埋嗰ser之後都會不斷加啲新嘅plugin落去
唔使擔心玩到後面會玩到厭

有時候返學讀書做嘢做到頹 壓力大
不如入嚟玩下抒發下relax下自己
齋入嚟吹下水都得㗎 咩話題都傾得
咁好玩嘅 ser 唔係唔入嚟玩下呀

得我一個冇獎品都推post 係咪應該比我

想問有無人開vanilla server招人

你想對主席做啲乜野！！！
主席係我架
我叫佢Mao先架

我又黎參加下主席舉辦嘅盛事先
（宣傳：最近主席更新1.7 多左好多新嘅rpg武器
歡迎入黎體驗大改版！！！！
主席萬歲！！！
主席揀我我都好想要把劍
今日搶弓搶輸hoe papa sad左）

其實我一直都有睇開人地玩minecraft
但從來都冇試過入ser同人玩
直到有一日我係YouTube碌片 見到條片有人係其他人屋企偷偷地生存左100日 好好笑又幾得意喎
於是 我就萌生左想入下server同人玩嘅諗法

係連登碌下碌下 又真係比我搵到幾個ser
最後揀左入主席呢個ser

完全係因為見到呢張圖入面 呢隻咁得意嘅連豬 我今日又重遊舊地 去左舊spawn（而家有新spawn 㩒制會彈一本勁多function嘅毛語錄出黎 偉哉主席！！！！）
回味下當初我入呢個ser嘅悸動同驚嘆


記得個陣行入生存區條路 行到尾就會跌落呢個水池
真心覺得好靚 好有feel
完全比人一種進入左新世界嘅感覺

再繼續行落去 就會去到一片竹林同農田
個度我而家仲記憶猶新
(相中model: Harry)
個度當初救左冇野食就黎餓死嘅我一命
呢個ser就係咁民風淳樸 你有難嘅時候大家都會tp過黎幫你 你起緊野仲會出手幫你一齊起/資助物資
連小小嘅一塊田 都可以擺個sign係度 同你講任攞唔嬲
呢啲就係我地ser獨有嘅人情味


下一個目的地：我屋企
當初我揀呢度 係為左遠離人煙 費事比人搞
雖然都係會比人整蠱 但神奇嘅係 大家整蠱完你會幫你執返個爛攤子 仲會教你set好個領地 就唔會比人整爛間屋
我會揀呢度嘅另一個原因係因為近公路
呢個ser神奇之處係 佢有鋪公路同埋有車站
鐵路遍佈我地所到之處 連我最近起嘅北極熊館都可以去到 你話勁唔勁啦？


接落黎要介紹嘅係 北極熊館啊！！！
當初我要起呢個館嘅時候 admin Anson 好nice 比左啲繩我捉北極熊 仲陪我去北極捉佢地（行左好遠水路omg)

最後將隻熊安置左係竹林隔黎
留待日後係隔離起熊貓館嘅時候 就可以連成一個動物園咁樣啦
仲記得當初 個館動工嘅時候遇到好多問題 但都一一迎刃而解
冇鱈魚？ 問人就即刻帶你去spawn點度捉
冇三文魚？fake train即刻帶你去佢屋企隔離條河度捉
等左幾分鐘就捉到啦



於是 個館就起好左啦 仲大受好評添！！
歡迎各位入到ser可以去參觀下架
今日嘅參觀者係呢兩位仁兄
（意外發現有痴線佬擺左隻熊貓入去扮北極熊 笑死）


參觀完之後可以黎呢個鳥居下面個板度留言 寫低你嘅感想架
發現上面啲留言都幾好笑
我地個ser啲人都幾幽默架

跟住落黎介紹嘅係 我係大家幫助下建成嘅 兔田貿易中心同兔田站啦

貿易中心即係村民交易中心啦 可以免費附魔
只要帶書就得 啲綠寶石係免費嘅
我擺係個箱度比大家用 回饋社會 （畢竟平時受大家幫忙咁多嘛）

最煩嘅係整個村民繁殖（屌西）區 又要運佢地入去 安置好係固定位置
途中有好多人幫我手 例如引啲村民入去 餵啲村民生仔（thx hoe papa)
炸開下面整個車站去兔田站同貿易中心
整個礦車回收系統（thx everyone, especially hoe紅石大師同Anson papa）
兔田站砌個兔田英文字（thx 0ug)
呢啲野如果一個人整 實有排搞
仲會少左好多大家一齊整嘅快樂同喜悅

篇野超過2500字 下面繼續入ser心得！！！！

今日最新起嘅公共iron farm

我話要起個陣大家唔單只幫手 仲落埋力幫我運啲村民 0ug幫我手起埋鐵巨人跌落去個度
真係幾感動架 雖然佢地成日專登激我
但我有感受到呢個ser大家守望相助嘅溫情
多謝啊！！！！

最後總結一下 我入左ser唔夠半個月嘅心得啦
真係非常慶幸自己係入左呢個ser
大家起嘅建築都好靚 又臥虎藏龍 有好多紅石大師起左勁多farm比大家用
仲會不時改良各個farm令大家嘅生活更加方便 資源變得好豐富
你冇嘅時候開聲 大家都會盡力幫你比你

最重要嘅係 大家都好風趣幽默 雖然痴線但唔會對其他人冇禮貌 係一個好可愛好友善嘅族群
每一個人都係咁樂於助人 咁善解人意
有時又會整蠱下你 搞下笑咁 真係幾盞鬼
令我每日最期待嘅就係入ser 睇下大家做緊咩

每日都冇悶場！
每日都有新鮮嘅事等住大家一齊經歷！
呢個就係我地嘅 lihkg server！！！！
歡迎大家入黎睇下 我地對新人好歡迎架
保證你會受到熱烈歡迎

番外：
今日Harry聽到我要影相 帶左我去兩個拍攝聖地
兩個人化身cam woman同 男model

原來我地ser有咁靚嘅地方
果然個ser每次都會比到好多驚喜我

不過有冇多啲介紹 好似有有啲嘢都唔知點用

你呢啲燒咗毛語錄嘅人冇資格講呢啲嘢

我地server成日有新野 所以一定要係disc問！

交易站係邊個位/座標?

/res tp clsland.usadatradecenter
地面個入口我仲未整得好明顯

但後來我歸順左
而家我將毛語錄供奉左係貿易中心
主席萬歲！！！！！主席好野！！！！

叛徒