綜合以上條件，排名上有新嘅睇法
只係討論唱功！唱功！唱功！
1.羅文。所有基本功極度良好，大家可以睇睇佢頒獎典禮嘅幾許風雨就會知道
2.林子祥。聽聽十分十二寸，唱到都唔會喘氣，年過七十依然寶刀未老。香港歌手中唱高音唱得出色，音域廣寬，可唱高也可唱中低音。快歌rap更係佢玩落黎剩低後生歌手玩嘅張學友都贊有阿lam嘅地方就唔好叫學友做歌神。另外大家可以聽林子祥敢愛敢做吊打頒獎典禮。超正
3.張學友。相對校長哥哥Danny，張學友可以駕馭各種風格嘅歌曲，而且更做到所有歌都能呈現張學友良好嘅歌唱技巧甚至翻唱比原唱更加好聽，樂感音色出色。因此學友排名第三係有原因嘅。
4.周華健。周華健嘅歌如果人哋翻唱，十個會有九個會奶嘢
周華健音色偏亮，高音區有張力同爆發力（大家聽聽 難念的經 ,knockin on heaven door同咪刀劍如夢）中音區比較磁性同穿透力，快歌rap更係佢玩落黎剩低後生歌手玩嘅。駕馭歌曲方面佢可以變成大俠，亦可以係陽光男仔，更可以鼓舞人心。總之就係練好武藝就殺敵，難怪有天王殺手嘅稱號。
唯一缺點就係成日甩歌詞5.李克勤。所有基本功都做到零暇疵嘅水准，現場超穩定穩定超穩定，甚被評價有比譚詠麟更出色嘅唱功。但係最大問題係平平無奇冇咩變化，係好就好，與其話歌唱技巧上係cd水準，倒不如話似機械人唱歌，排喺中間相等於入頭5名嘅關口
。6.譚詠麟。嗰個人唔鍾意譚校長，我都一樣。不過譚校長音色飽滿，聲線洪亮，94年大球場嘅現場更係佢嘅演唱會代表作，佢歌曲上所得嘅獎可證明佢嘅唱功技巧令嗰時唔少人聽佢歌，共鳴上一層一層咁遞上去，收尾嘅音同樣收得靚，只係樂感略差。
7.張國榮。哥哥嘅音域係所有歌手中最寬嘅一個歌手，雖然哥哥係中低音歌手，但音質做得非常好，而且首首歌都可以為觀眾帶黎共鳴。至於哥哥高音係最被人低估嘅地方，大家可以留意下佢首stand up最後嘅高音，音質唔錯。 因此哥哥嘅唱功可以講係最被人低估嘅歌手。
歌唱技巧上哥哥略敗校長，但係如果聽眾角度黎講，大家更傾向鍾意聽扣入心弦嘅張國榮
。8.陳百強。Danny真係音樂天才，佢同Sam hui ,家駒係本地創作嘅代表。Danny嘅個人風格係所有之中最強烈嘅歌手，有人扮哥哥校長梅姐學友等等，但係有冇人扮Danny?有，但係扮咗之後仲唔似。 另外佢同樣都係字正腔圓嘅代表。但相比校長哥哥，Danny嘅歌唱風格有啲窄，而且氣息方面有些少弱但係聲線洪亮 音感出色，同樣引起共鳴。甚至翻唱別人歌曲都唔輸畀原唱
。9.張敬軒。新世代80後唱功代表。好多人話軒仔唱功比較屈機，但若果以唱功標準黎講，張敬軒音域廣，佢喺演繹歌曲嘅控制力方面做得比較好，真假音轉換流暢度都係比較順暢，但音質方面例如高音中音同咪聲線稍為簿弱，同頭8位歌手相比稍弱。
10.陳奕迅。無可否認eason可以話演繹歌曲情感方面係神級，但係唱功同樣唔差，只係同前面相比..... 若果從聽眾角度黎講，好多人都會聽eason，就憑eason演繹嘅情感十分豐富，已經足夠企喺香港樂壇 甚至華語樂壇嘅一線啦。
