Wall Street English 嘅惡行 1

我都知篇野好長，但想報嘅人真係要諗清楚，我唔想再有人上當

我喺Wall Street English 被迫補咗一年習。又貴又呃錢又嘥時間。我起初為咗升學想考好IELTS而報。但讀咗幾個月發覺呢間係以推銷為主嘅補習社而且根本唔係我想要嘅嘢亦都學唔倒嘢。首先，我係想補IELTS 而唔係英文，但佢地比我上嘅係同IELTS 冇關係嘅普通英文班。我上咗幾堂發覺同IELTS根本冇關係，我就同個課程顧問(sales) 講佢就話呢個係IELTS 預備班，不是IELTS 操卷班。

比咗3萬幾蚊，基本上比錢係買佢個app, 係屋企用完app上堂先至可以去上encounter, 但encounter都唔係咁易上倒，時間勁難夾，你講咩時間得佢就冇果個時間比你，入學嘅時候就話跟你個時間表去比堂你上，到最後係你就佢個時間表唔係佢就你，最後係我就佢嘅情況下隔咗個半月先可以上堂。明明簽約果時佢地講兩個月完成一個level(1個level= 4個encounter)，所以個價錢會貴少少，但到最後係比平D果個我上(3個月1個level)。我有同過個課程顧問反映，係改善咗一段時間嘅，但後期因為疫情所以改用zoom上堂D encounter 仲難book過之前, 佢地一改再改，起碼相隔個幾月先上倒一堂。

同埋佢地會係你報名嘅時候就要你做個test話你知你IELTS 拎幾分，後來我先知果個test只係話比佢地知你應該由第幾個level開始上佢地嘅普通英文班，同IELTS個分數冇乜關係，如果要有佢講果個分或以上係要再比多2萬幾蚊去上個IELTS 保證課程先保證你有果個分或以上。

另外，佢有個叫social club, 我報嘅時候就同我講一定要帶朋友去，我帶過一次，好喇上完果堂喇佢地就會截住你個friend 不停sell 佢，點知佢地sell 唔倒我個friend就日日打去煩佢。之後我就試吓唔帶friend去報嘅情況睇吓佢地會點啦，根住佢就話擺我去waiting list, 到最後佢地係以滿額為由唔比我上嘅。講真，佢地又會po 相上ig話自己有咩活動, 我亦都去過根本就唔會冇位，再加上我學費裏面嘅雜費($7xxx)包咗，我相信果個雜費有九成都係用係呢一種要帶friend 去嘅social club,平時上堂佢地都係印張紙比你洗幾多錢? 而我頭先所講嘅social club 成本就比較高。基本上個雜費係我比錢佢地去sell人。

到上咗大約半年，個sales話約我上去傾有關課程嘅嘢，然後去到佢又係想sell 我，今次係一個每個月比5千幾蚊嘅課程，呢個就係我頭先講嘅IELTS 保證課程，我當時唔想佢煩我我就話要同屋企人商量吓先，到第二日佢wts我問我傾成點，我同佢講屋企人話冇錢，跟住佢就候住我屋企人嘅信用卡。當然佢地最後唔成功啦。

有次仲離譜，個sales約我上去做mock話睇吓我IELTS可以拎幾多分，我心諗入學果時我做果個test唔係已經知我大概幾多分喇咩？我上去做咗，大概一星期後個sales同我講話係wts講返成績比我知，但實質係質疑我點解考到咁差，根本唔係幫我。(我唔知同冇報佢個course件事有冇關係，所以咁對我) 講真，係補完你地都冇進步過囉。

同埋佢地會好多時話約你去佢地果度傾課程進度，但次次叫得你上去都唔會係傾呢樣為主，係想sell你其他嘢。果次佢見我個約就嚟完，就話想約我上去傾吓進度，有咩唔明就幫我約返助教。我上到去基本上九成時間都係sell我續約。我同佢地講咗好多次冇錢，冇時間，佢地先肯收幾個禮拜手。然後又以其他理由叫你再上去佢地再搵其他人繼續sell 你。

好喇，頭先講到話佢地幫我約返助教，我上到去個助教教我果時，我講咗句錯grammar 嘅句子(我知自己講錯), 但佢地冇指證我。再上多幾分鐘，連我都發覺倒佢嘅grammar係錯嘅，佢仲要重複咗好多次佢自己錯grammar嘅句子都冇覺得有問題。由果一刻開始，我決定有咩問題自己上網查或者問返學校英文老師算喇。

頭先講過因為疫情改用zoom上堂D encounter勁難book。好喇終於復課喇，佢地可以比你上嘅encounter 就更少，仲少過用zoom上果陣，係局你一定要去果堂，你唔上嘅就唔知再等到幾時(可能好似之前咁個幾月掛)。我再同個sales 講你地根本冇得比我揀時間，合約完之前都唔知上唔上得晒咁多堂，佢就同我講如果上唔晒咁多堂持續進修基金就唔會claim 得足佢地之前講嘅價錢。哪，我錢就比足嘅，但堂呢就未必比足你上，錢亦都未必claim得足。所以我知道咗之後上堂嘅時間就算幾唔啱都好我都要局住上。搞到好似係我問題咁，根本就係佢地之前有幾次都要隔個幾月先比倒堂我上，好喇到最尾就話你個約到幾時幾時完，我地暫時得呢個時間咋，如果你唔上驚你到時完成唔倒。

到我個約淨返一個月倒，我wts問佢claim錢嘅嘢起碼要第二日先覆你，以前認為你仲有利用價值嘅時候就好快覆你，佢約你就早2日會打嚟提你約咗佢，但到你約佢都唔想理你咁。

好喇，個約終於完咗喇，唔好諗住一拍兩散，仲有claim 錢、用上堂嘅分去換埋你應得嘅禮物係可以要你上去中心幾次，有時仲係白行嘅，咁樣都可以拖你半年至一年。每次講好幾時比倒你嘅嘢唔會真係果時比倒，你wts佢(因為佢地太奸，所以乜都要留底)係唔會有人理你，直至你去customer service 度投訴先會有人彩你，你係customer service投訴完佢地就會同你講唔好意思，但下次繼續唔改。

講到呢度差唔多爆字數喇，所以我會喺Wall Street English 嘅惡行2會講吓佢地嘅老師同佢地個app。

幫推

試過想拎leaflet, 跟住係到做埋啲無聊test浪費左我兩個鐘

係咁嫁啦，你有利用價值咪幫你囉，都知你軟弱又唔想續約就梗係唔搵你啦，好正常喎⋯⋯

要學就去British Council
其他就算

慘過做facial比人sell

中學比人水左上去做test 條友講到我英文就死咁 一定要補佢地 但我知道佢地呃人 就堅持話自己無錢 成功走人

呢間嘢唔知點解係我考完DSE後拎到我電話
成日打黎煩住哂 話唔需要 cut佢線佢都繼續打黎
由Year1打到Year 3
block佢電話就用另外一個電話打黎
d sales好長氣 每次打黎都扮哂蟹想拎我個人資料
又問我讀咩programme 咩大學 有無考慮exchange
完全對呢間嘢無好感

想學英文應該邊間學校比較好

之前高登都有人講過，不過個post比人del左

可以揾海關，消委會，教育局等三大機構投訴，諗諗下吾整private好d，比多d人睇下點處理wall street english 退學退錢的問題

試過上去試做test
test完佢sell唔到我 估唔到咁仆街

btw樓主 想學好英文 最緊要create個英文環境 盡量將你日常接觸到啲嘢變成英文 加油

尋日又係有個人打返比我，我問幾錢，佢話係睇我咩level，我問大概幾多？佢死都唔講，係電話到又冇啦啦轉台同我講英文，要我即刻用英文同佢對答，之後話我用錯字，話好想幫我pass ielts，叫我上去做test

Hello樓主想問到簽authorisation of enrolment letter, 我先發現伏味農, 於是我冇簽倒中途走左。

但我俾佢呃左我申請Aeon auto payment嘅分期付款, 咁我係咪即係gg左? 樓主可以可以教下我🤦🏻‍♂️🤦🏻‍♂️
咁我係咪即係授權左佢嘅auto payment

我廳日衝上去有冇得取消晒啲野
Help help me🙈

我唔太清楚，因為果時我冇申請呢張卡，係屋企人幫我比嘅

想問最後有冇成功退到錢？

冇

冇