[I/A] Darkfire Hero 非支那歐美風新驚

1. 如實報告就得，寫病歷通常都係咁寫：
日期時間因咩事去左邊間醫院，diagnosis 係咩，做左咩treatment，現況如何，有否跟進
例：受保人於2000年因胸口痛入住法國醫院留院三天，診斷結果為血管粥樣硬化，進行了通波仔手術，現在情況良好，不用服藥，醫生亦已告知不需要覆診。（有靚既follow up report就夾埋，冇就唔駛）通常查家宅係兩年內claim 先發生，原因係不可異議條款列明就算漏報（非刻意）兩年後保險公司必須強制繼續保單不得踢保，張單生效左兩年查你家宅都冇用，焗賠

2. 不是，全視乎你填左咩野

3. 唔做身體檢查：是的；pre-Un 本人認為冇乜用，一間拒得你保通常間間都會拒，而且其實冇保險公司會cross check with 其他公司，A 拒你保你買B 照填冇拒過保一樣得

4. 理論上係，cancer 通常就睇5 年既，不過有啲公司見你年紀大又中過招唔想take risk 都唔奇，同埋你20 年理應唔會中任何一題uw 問題，正常最長都係問你7 年內。

5. 大陸醫院呢，就好吊鬼既，如果你兩老身分證三粒星就冇乜所謂，如果係大陸身分證就唔好，有啲保險公司有隊私家偵探team 專摷大陸人係上面隱瞞既history 好撚堅架，地區診所都摷到出黎，痴那線。

我幫人原意都係唔想你地比agent 成日呃，舉手之勞

1. 睇表面證供，兩邊口同鼻拗就上committee 打

2. 係，主要問醫生填野、拎APS、拎report等，搞得黎起碼2 個月先claim 到

3. 冇share network 的 依家啲product 互抄，啲product head 由A 公司去B 公司，冇乜分別架喇

4. 三粒星唔預你返大陸醫，但本身大陸人就相對風險高

5. 我唔反對報，康復廿年都幾穩陣

6. 我insurer, broker, bank 都有做過（non sales) 本身對medical 都好有研究，又多朋友係精算、reinsurer 撈，成日互換資訊姐。冇錯，同錢有關既都一定唔會中立，所以證監早幾年已經ban 左IFA 呢個term ，除非佣金真正獨立。你估下如果我係agent 可以賺你錢，你仲會唔會信我既意見？

有冇人個event未開boss?
但個mission又要打4隻boss

其實係要keep玩家lv15, 定係每個角色的lv15？
我玩家lv已經去到20

玩家lv15，你升到20就算啦，另一個區間係16-25，係活動比較難打入前幾十，keep到前500都ok

另一點係你玩家lv太高遇到pvp對手都會一樣高，但可能對方已經卡左幾個月齊曬epic裝咁就會好難打

無課拎epic裝有4個方法：
15lv開始開金箱裝備箱，機率超低，從來無中過
千9鑽買legendary箱，隨機一epic，但可能對你無用
活動賣，要around 3500鑽
活動積分6萬5換，我推薦呢個，因為成本只要2千鑽，無隨機性，唔啱你就可以跳過唔換，其中一千買10次boss ticket，另一千買體力農活動關

仆街瀨野

巴打再請教下
我想買份International既plan, 唔會話一年要住係香港夠半年先得既假International plan, 而且冇分細項
不過要幫長老買埋, 佢都70一大半, Aetna, Bupa Global (ihi), April, Now Health 依類都好貴.
但我發現恆生有個Bupa " 環球優越自願醫保", 依個冇寫明每年香港要住夠185日, 應該係真International Plan? 但佢又寫明由保柏（亞洲）有限公司（「保柏」）承保, 我就擔心你之前提過果個問題 - 好難claim.
"bupa 千祈咪撚揀，你識醫生朋友就知，佢地都勁憎bupa。賠你就賠啦張張單問個醫生問到查家宅咁想搵理由拒賠"
會唔會話Bupa GLOBAL 會易claim過 Bupa ASIA? eg你提過昏迷長住ICU個case

不過如果以真環球plan計佢都算平? 當長老75, $80,000 自付費, 要$53,449, 60打後都已經劃一保費.
而Bupa Global "Major Medical 環球住院", 75歲, $78,000 自付費, 要$71,963, 而且按年齡加價, 去到80已經$100,753, 85以上劃一保費, 但要成100,753, 係恆生果個double.


恆生果個甚至長遠只係比Cigna 既高階VHIS貴啲啲, Cigna 75 歲 $75,000 自付費, 要$21,842, 但去到95歲已組加到 $52,927, 同恆生打平. 而且Cigna只係保到亞洲, 半私家, 同100歲. 如果要保終身, 保誠尚賓都係亞洲同半私家去到88歲已經要$54,484. 但恆生講緊係保全球連美國同全私家, 點解都應該係恆生最抵?



但會唔會真係too good to be true? 恆生果個Bupa Asia 環球plan 已經比 Bupa Global 平, 但仲平過只保亞洲同半私家既VHIS, 依part真係唔明, 會唔會有伏呢?
以超高階醫療我覺得依個恆生Bupa係環球全私家真係最抵, 但Bupa個爬左好多post感覺同AXA一樣非常不建議

其實買咁貴既plan我係想保大劑野, 特別既醫療儀器, 微創機械人, Cancer既標靶藥、免疫治療等, 依類就算去到政府公家都係要自費比, 到時就唔怕比唔起醫唔到, 不過5萬幾一年都真係貴... 定係可以再有其他選擇...

推左個咁舊既post 上黎問野

首先bupa global / Asia 都唔係好claim (可google 下通波仔支架果單野）比人屌到甩哂皮；二黎你買咁大墊底費其實有咩謂？保費都幾萬，墊底費又幾萬，除非你扑得中到時會有大claim ，否則得不償失

不過年紀太大係冇乜得揀，恒生應該即場用HABU system underwrite，clean case/常見病可以即時有result，你當係pre underwrite 咁玩都得

因為馬仔做依行咁pro, 再舊既post都要推番上黎搵你

首先想問下HABU system係咩? 可以即時知result真係唔錯, 最怕做完pre underwrite 又再話要問HA攞report, 依度聽都要搞成個幾月

其實我買份high end咁貴真係預有大claim. 姐係如果幾十萬做次手術我都仲可以慳啲使比得起, 但我最怕cancer果啲可以燒身家賣埋樓既大claim. 姐係萬一有咩大件事, 公家醫生話冇咩機會, 但係有款標靶藥, 免疫治療你可以博下, 不過機會唔高, 但要幾百萬, 咁到時我真係唔知到底用唔用哂身家博, 始終錢一次過清哂可以再搵
你會唔會覺得太過杞人憂天? 只係我希望可以將個risk減到最底, 我指望靠一份醫療可以令我唔使擔心數以百萬計既私家醫療.

另外我想問下巴打有冇遇過Bupa或其他公司medical evacuation repatriation (醫療運送) 既case. Claim既過程都係好差?
因為長老都鍾意周圍旅行, 以前當然有買旅遊保, 不過都發現部分旅遊保都有年齡上限, 所以另一個恆生Bupa吸引到我既點就係1. 環球 (包美國) 2. 全私家 3. 保終身 (非100) 4. 包醫療運送, 買左依份就連旅遊保都唔駛買

我爬左好多文搵左好多資訊, Bupa有啲人就話claim冇咩野, 都快手, 但有醫院做會處理claim form既網友話填form超煩 (你之前提過既問題), 醫生填完又再要佢填問第二啲野, pre approval彈幾次先成功, 條熱線打唔通, 官腔回覆.
甚至有網友用家表示Bupa睇完醫生交個份報告同佢講個醫生話你需要做手術, 而個網友係同醫生好熟, 再者醫生知你有保險點會同你咁寫

如果話網上得一兩個咁既case我都可以當係打手, 但我做得愈多research, 就愈得依類Bupa屌鬼既case. 咁就算恆生Bupa依份咁完美, 有哂我想要既保終身環球全私家包埋醫療運送, 但原來咁完美既服務係要用時係claim唔到, 咁我買黎做咩

其實我真係好想買依份, 因為係我係市面搵到cover最正, 但Bupa個名聲令我好卻步

HABU 係佢地電子化underwriting system 黎
唔會問HA 拎report，either accept decline exclusion loading only

遺體運送根本1000 隻都唔會用到一次，全香港保險公司都係用果幾間 AIA pru manulife 都係外判買果間既service

Bupa 其中一個賤位係你pre claim佢規定左唔可以用某啲療程、藥，即係你用緊啲cheap 野黎醫

Medical 真心唔推bupa

國際救援(亞洲)公司(ipa) 依間丫
我想知唔係遺體運送, 係醫療運送
比如劉德華泰國墜馬坐坐醫療專機返港, 多唔多見依類case. 係怕長老第時旅行外地出左咩事都可以即刻返香港. 但會唔會依間國際救援(亞洲)公司(ipa) 又好似Bupa咁好多規限, 最後依樣服務=冇咩用

聽完咁多意見其實唔買Bupa啦, blacklist
如果你幫長老買, 你又會點買法? 考慮返長者常claim既事項同埋各產品既長遠保費 (70尾到100, 其實加得好勁)
唔需要高端, 有大事返去公立, 係咪成個選擇可以唔同?會有咩介紹

大事先去唔到公立問心

大吉利是你聽到中cancer，政府話要排一年先做手術你會唔會去等丫？

其實坊間大部分top up plan 半私家就得，不論AIA CEOE M記Manumaster 定AXA 隻globa elite 同樣做到你要既效果

聽人講小事係公立排好耐，去到大事人命關天就快，所以先咁諗
再加埋網上又話私家如果大事好似cancer果類，見你唔大機會醫得好又係踢番公立，唔想個病人死係間醫院整花個record

Bupa果個high end唔買後我就諗住咁不如買個最Basic VHIS算，70尾老人家都係一年萬二蚊左右，不過10life都話Basic真係預得小病. 如果通波仔就要自己比16萬，肝癌就要28萬
https://www.10life.com/blog/Estimated-Coverage-Voluntary-Health-Insurance-Scheme?locale=zh-TW
好處：平，一年先萬二蚊
壞處：一有大事就要返公立

依家聽完你句"大事先去唔到公立問心"又十五十六，好似穩障起計都係買番high end穩障
好處：咩都包，cancer幾百萬都claim到
壞處：貴，就算有墊底費都要成四五萬一年
不過你介紹果三隻都買唔到，佢年紀太大，只係坐到VHIS尾班車

公立醫院淨係排期照MRI係咪cancer 都要一年
照到係，唔係即時生命危險又要等一年

Cancer 發現得早其實治癒機會並唔細。當然要睇咩部位

另外買medical 我係建議買top up plan ，VHIS 可以頂住既，不過可以既話老虎都買top up semi private

MRI, 我睇過資料好貴呀, 網民就係話政府做檢查耐，所以去私家自付做檢查攞report返公家，如果係大件事就好快。所以就用到Basic VHIS 果2萬「診斷成像檢測」，不過有30%自付費。
不過你講得岩，如果冇生命危險又係要等，當隻腳行唔到，但未死得，都有排等

我又再睇左連登post，特別有關標靶藥既使費真係比我想象中高
一開始醫會用第一代，三千蚊一個月，但用落後可以要轉藥，一轉要最開既就會要成三萬蚊一個月，個時我就真係比唔起。佢地經驗話用左十個月，可以申請藥廠之後十分一價錢用落去，或者申請關愛基金，但申請要時間點都要比住三五萬走唔甩

睇完依啲個案之後真係老虎都買top up semi private
心諗就算有SMM既中端保險都唔夠玩, 一次cancer夠燒哂副身家

我諗住買Cigna個top up semi private啦，最高自付額$75k, 佢依家買都要25k, 去到85歲要成35k, 95歲$55k, 到時就已經岩岩好貴過恆生Bupa (如果唔係個名個個都話臭就會買呢間)
老人家買真係貴，但Cigna因為可以去到成75k自付所以係目前老人家仲買到既保費最平，其他得4萬幾墊低既保費起碼貴多兩三萬
但諗緊需唔需要買埋Bowtie果份基本VHIS，佢一年要$12k保費，用黎對沖Cigna果$75k墊底費

你有用醫療運送？我從未見過老實講

我就係見網上對於Bupa既評價好diverse, 唔好既就話要醫生不停填表, 好似想搵錯處咁, babykingdom 都話醫生朋友叫佢地唔好用依間, 再加上馬仔都話唔好用, 就算見其他comment話正正常常都唔敢博

不過巴打我都建議你review下全家份plan夠唔夠用, 如果想保到用標靶藥真係一定要買high end先夠cover

話說點解你又會知呢度變左保險post？可樂之前問過我我有印象，你係…?