有冇揸的士嘅連登仔

啱啱考到個牌想入行,但係對呢個行業0認知,好多問題想問,有冇人可以幫下我?
1.有無黃嘅車行?唔想揸住部貼住民建聯廣告嘅車開工.
2.萬一有交通意外，係咪要自己比錢賠同整車？萬一比人撞,對方係即pay,我點知叫佢賠幾多？
3.車行知你新入行會唔會教你？我連個錶點用都唔識.
4.我見交更前要入氣同抹車比下更,一般要清潔到乜程度？
暫時咁多先,希望有師兄可以幫下我

開車前check清楚上手有冇整花架車
小心俾人扣按金
有無親戚做dc9 叫佢第一日開工跟你車
收工前記得要入氣比下更

樓豬有冇group, 我都新手想做下part time 跟你學下野

我就係想搵人教我入行喎

師兄係咪有揸的士？我身邊無人做dc9.

揸小巴就有得跟車啫，揸的士點跟車？

我係揸連登嘅的士

所以我有好多嘢要問，否則無信心租架車開工

的士狗都係賤種黎

咪坐車頭囉 問個客肯粗唔肯
我就係咁

我少渣
唔算好多野識

屋企人做緊 。我都係岩岩考完
意外出現即刻影相call車主， 睇下點賠，如果自己炒嘅多數都係自己比錢。錶就好易用嘅，交更前要入氣 ，師兄你邊區，睇下有無機會租

將軍澳 區
https://t.me/Cyccccccc

例如自己唔小心撞咗,除咗要比整車錢,要唔要賠埋車主因為整車期間租唔到出去嘅損失之類？有冇得買保險？如果無咁total loss咪大鑊？我大西北區

我連基本嘢都唔識

Total lost

租唔到出去就未試過，呢個多數睇下同車主點溝通。保險就車主買，所以好少會claim 因為會加loading ，除非炒得好嚴重，claim得保險嘅就多數會叫你比多啲錢for買保險用

下個月考牌 留個名

我指例如架車要入廠整3日，咁呢3日車主租晤到架車出去,係咪我賠

1. 堅黃嘅車行好似得灣仔區騰x的士
2. 你撞就梗係你賠 人地撞就返車房報價囉 不過撞得多換得多都大概會知咩件咩價
3. 正常嘅車行梗係會教 你連咪錶都唔識用 邊搵到錢黎交租
4. 正更就要抹 替更通常抹下玻璃dun下地膠就ok 起碼架車行出黎唔係污糟趕客就得
入氣就係收工入滿氣交更 行多左就跟公里數補返錢

利申 港島車正夜更

正常撞 半日一日咩都整好
要幾日嘅而又係你撞到咁 有機會要你俾埋租 不過你都撞到咁大獲 唔差在俾多2 3千架啦 墊底費封頂 通常係萬幾蚊
的士通常都係買全保 如果係你撞人而要用保險賠 你都係俾最多墊底 但就要落案認多條不小心駕駛先出到保險

車行就唔知
留意下的士車尾打電話問
衣家入行平租一流

撞車就搵車主
影哂現場360度片
租車交低果一萬蚊就無硬

個錶正常上的士堂有教
都係開車㩒往同完咪停有隧道就+

Thank you, 仲有少少唔明,係咪即係max賠份保險個墊底?一般係幾錢?

我怕遇到d黑車行,上網睇有d車行唔退按金

1.唔一定要堅黃，但真係接受唔到揸住部貼滿民建聯廣告嘅車開工